JEREMIA 32:30 - Biblia Ilagho Jiboie Kwa Wandu Wose

³⁰ Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

JEREMIA 32:30 Խաչաձեւ Հղումներ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 25:6

Msenughe milungu mizima mkiidumikia na kuitasa; mchemvavira BWANA na kuwusira machu ghake kwa iro kazi ra mikonu yenyu. Aho niko nao moni usechaamkaba anduangi.’

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

EZEKIELI 23:3

werekoghe wikibonya wumalaya Misri kufuma wanake ghwawo, hata nyodo rawo rikaghwa, na wai ghwawo kunoneka putu.