JEREMIA 32:29 - Biblia Ilagho Jiboie Kwa Wandu Wose

²⁹ Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 32:29 Խաչաձեւ Հղումներ

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

NEHEMIA 8:16

Niko wandu wikaghenda na kughireda; wikakuaghia viwanda kula mundu aighu nyumbenyi kwake, na wazenyi, na waza ya hekalu, na waza ya wandu wose kaavui na andu kuwangwaghwa Mbenge ya Machi, na wazenyi kwa Mbenge ya Efraimu.

ISAYA 22:1

Agha ni malagho aighu ya Vololo ya Mawono. Kutambua kwaro niki inyo mmbose kujoka aighu nyumbenyi mwambori?

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

JEREMIA 32:3

Zedekia mzuri wa Juda odenifunga angu nerefunyireghe wulodi ngighamba wei BWANA waghambie, “Ola nichamneka mzuri wa Babuloni ughu muzi, nao uchaghuwusa;

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 44:25

BWANA wa majeshi, uo Mlungu wa Israeli waghamba huwu, “Inyo na waka wenyu mwamerie kughora worinyi kwa memu yenyu na kukatisha kwa mabonyo ghenyu, mkighamba mchakatisha maghemi ghenyu agho maghemi ghenyu moreghibonyereghe ghemfukira marumba Malkia wa Mlungunyi na kumdungia vizongona venyu venywa. Idana bonyenyi na kukatisha maghemi ghenyu.

JEREMIA 52:12

Ituku ja ikumi, ja mori ghwa kasanu, nagho ni mwaka ghwa ikumi na ikenda ghwa kubonya nguma kwake Nebukadnezari mzuri wa Babuloni, uja Nebuzaradani m'baa wa majeshi gha Babuloni, uo orekoghe ukimdumikia mzuri, orengirieghe Jerusalemu.

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

JEREMIA 7:17

Ndekuwuewona seji wibonyagha andenyi ya mizi ya Juda, na chienyi ra Jerusalemu?

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 23:47

Na ijo ijeshi jichawilasa na magho, na kuwibwagha kwa lufu; wichawibwagha wana wawo wa womi na wa waka, na kukora nyumba rawo.

MATHAYO 22:7

Uja mzuri ukawawa ni ngolo, ukaduma masikari ghake, ukawitotesha waja wabwaghi, ukaghukora muzi ghwawo.

MABONYO GHA WADUMI 10:9

Ituku ja kawi, iji werekoghe wikighenda, ngelo wavika kaavui na muzi, Petro orekoghe wajoka aighu nyumbenyi kwenda lomba Mlungu sa saa irandadu.

WAEBRANIA 3:16

Ni weke ani awo weresikireghe ima wikawuya wikamlegha Mlungu? Wele si waja weni werefumieghe Misri kwa wulongozi ghwa Musa?