JEREMIA 32:24 - Biblia Ilagho Jiboie Kwa Wandu Wose

²⁴ “‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 32:24 Խաչաձեւ Հղումներ

2 SAMUELI 20:15

Niko wandu wose wa Joabu wikacha na kughumara ugho muzi ghwa Abeli ya Beth-maaka; wikaagha ndoe nokoighu sa kisaghu, kughulangaya ugho muzi a wurighenyi ghwa shighadi; wikazoya kutika ugho wurigha wipate kughughusha.

ISAYA 37:33

“Kwa huwo, BWANA waghora huwu aighu ya mzuri wa Waashuru: ‘Ndechaacha andenyi ya muzi ughu, hata ndechaakumba iwanu aho, angu kucha na ngao, hata ndechaaghurughaia.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 20:5

Aighu ya agho, nichaneka wamaiza wenyu mali rose ra ughu muzi: fwaida raro rose, zawadi rose winekelo, na mashamo ghose gha wazuri wa Juda wichaghiwada na kughidwa wunyika noko cha Babuloni.

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 29:17

BWANA wa majeshi waghora huwu: ‘Olenyi nichawiredia wuda, na njala na saka izamie; nawo wichakaia sa matunda gha tini ghizamie, ghisedimagha kujika.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 32:25

Ela sena oho ee Bwana MLUNGU kwanizerie huwu: “Ghua mbuwa kwa pesa, na kukupatira washahidi” - hata ngera saki ughu muzi ghwawadilo ni Wababuloni.’”

JEREMIA 32:28

Ola nichaghungira ughu muzi mikonunyi kwa Wababuloni na kwa Nebukadnezari mzuri wa Babuloni, nao uchaghuwada.

JEREMIA 32:3

Zedekia mzuri wa Juda odenifunga angu nerefunyireghe wulodi ngighamba wei BWANA waghambie, “Ola nichamneka mzuri wa Babuloni ughu muzi, nao uchaghuwusa;

JEREMIA 32:36

BWANA, uo Mlungu wa Israeli waghamba huwu, “Wandu waawuyaghamba kukaia muzi ughu ghuchangirwa mikonunyi kwa mzuri wa Babuloni kwa chia ya wuda na njala, na saka izamie:

JEREMIA 32:5

sena uchamdwa Zedekia hata Babuloni, nao uchakaia aho hata nimchee, na ukedualwa na Wakaldayo ndechaawisima kungi.”

JEREMIA 33:4

Ini BWANA, Mlungu wa Israeli, naghamba huwu aighu ya nyumba riko andenyi ya ughu muzi ghwa Jerusalemu, na nyumba ra wazuri wa Juda iro rerechikanyiroghe eri ripate kubonya wurigha ghoghiria wuda.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

JEREMIA 52:4

Na ituku ja ikumi ja mori ghwa ikumi, mwaka ghwa ikenda ghwa kubonya nguma kwake, Nebukadnezari mzuri wa Babuloni ukacha na ijeshi jake jose, kughukaba muzi ghwa Jerusalemu, ukaghurughaia.

JEREMIA 52:6

Ituku ja ikenda ja mori ghwa kana, njala ikabia andenyi ya ugho muzi hata wandu wa ijo isanga wikasowa kindo chingi cheja.

JEREMIA 6:6

BWANA wa majeshi waghora huwu, “Demenyi midi yawo, m'bonye wurigha, mpate kughurughaia ugho muzi ghwa Jerusalemu, kwa kukaia ugho nigho muzi ifwane ghukabo kwa wundu ghwa kuchulwa ni kukoronga.

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

EZEKIELI 21:22

Kura ya Jerusalemu eko kwa mkonu ghwake ghwa kiwomi, upate kuwika vilambo vevuchua, na kufunya momu ghobwagha na kukaba ndereri ya wuda, na kuwika vilambo vevuchua mbenge, kuagha andu kojokia na wurigha.

EZEKIELI 21:27

Kunona, kunona, nichaghunona ugho muzi hata ghusesigharike andu komanyisha wei ghorekoghe, hata wameria kucha mundu waro moni, nani nichamneka ugho muzi.

EZEKIELI 26:8

Wandu wako wa mizinyi wichabwaghwa kwa lufu, uchabonya wurigha ghokurughaia, na kubonya kitungu cha ndoe chekutangala, na kuwusira ngao rekukinga na oho.

EZEKIELI 4:2

Kuwonyere kazi eghurughaia; kuaghe wurigha, kubonye kitungu cha ndoe, kuwike kambi eghurughaia, na kuwike vilingo veghuvuchua ugho muzi chia rose.

HABAKUKI 1:10

“Wadawimenya wazuri na kuwiseka wabaa; ndekuwadie ngome ingi idimagha kuwitangala; wadaitumbanyira ndoe kitungu na kuiwada.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.