JEREMIA 32:2 - Biblia Ilagho Jiboie Kwa Wandu Wose

² Ngelo iyo, majeshi gha mzuri wa Babuloni gherekoghe ghaghurughaia muzi ghwa Jerusalemu, na ini mlodi Jeremia nerekoghe nafungilwa andenyi ya waza ya walindiri, erekoghe andenyi ya ngome ya mzuri wa Juda.

JEREMIA 32:2 Խաչաձեւ Հղումներ

2 WAZURI 25:1

Nao Sedekia ukamlegha mzuri wa Babuloni; na mwaka ghwake ghwa ikenda ghobonya nguma mori ghwa ikumi, Nebukadnezari mzuri wa Babuloni ukacha Jerusalemu na ijeshi jake jose; ukaghurughaia na kughubonyera isanju chia rose.

NEHEMIA 3:25

Palali mwana wa Uzai oreaghieghe kufuma mbembenyi ya wurigha hata mnara ghwa ngome ya lughu ya mzuri kaavui na nyumba ya walindiri.

ZABURI 88:8

Kwabonyere waghenyi wapo wikanilegha, kukawibonya winiwone sa kilambo cheobolwa. Narughilwa, nani sidimagha kufuma;

JEREMIA 32:3

Zedekia mzuri wa Juda odenifunga angu nerefunyireghe wulodi ngighamba wei BWANA waghambie, “Ola nichamneka mzuri wa Babuloni ughu muzi, nao uchaghuwusa;

JEREMIA 32:8

Niko wamii Hanameli ukacha kwapo aho wazenyi ya walindiri, kunughana na ilagho ja BWANA, ukanizera, ‘Ghua mbuwa yapo iko Anathothi, isanga ja Benjamini, kwa kukaia hachi eiwusa, hata eighua wori ni yako; kwa huwo kuighuo.’ Niko ngamanya kukaia loli ni BWANA oreghorieghe nani.

JEREMIA 33:1

BWANA oreghorieghe nani indo ja kawi niko kifungonyi andenyi ya waza ya walindiri.

JEREMIA 34:1

BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 36:5

Ngamlaghira Baruku ngighamba, “Ini namerie kughirilwa nisengie andenyi ya Hekalu ya BWANA;

JEREMIA 37:15

Wabaa wikajokwa ni machu aighu ya Jeremia, wikamkaba na kumfunga andenyi ya nyumba ya muandiki Jonathani, angu niyo erebonyeroghe ikaie kifungo.

JEREMIA 37:21

Kwa huwo Mzuri Zedekia ukafunya momu, wikaniwika wazenyi ya mlindiri, wikanineka mkate kula ituku ghufumagha chienyi ya waochi mikate, hata mikate yose ikasia. Kwa huwo ngakaia aho wazenyi ya mlindiri.

JEREMIA 37:4

Nerekoghe nisefungilo; nani nerekoghe ngirangana na wandu kula andu.

JEREMIA 38:13

Nao wikaniruda na kamba, wikanifunya kisimenyi. Ngakaia aho wazenyi kwa mlindiri.

JEREMIA 38:6

Nao wikaniwada wikanikumba andenyi ya kisima cha mwana wa mzuri Malkia, icho cherekoghe andenyi ya waza ya mlindiri; wikinisera na kamba. Ndekorekoghe na machi ghangi andenyi ya icho kisima, ela kizozo kiduu; ngangia nokondenyi aho kizozonyi.

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.