JEREMIA 31:8 - Biblia Ilagho Jiboie Kwa Wandu Wose

⁸ Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

JEREMIA 31:8 Խաչաձեւ Հղումներ

ZABURI 107:3

na kummbunja kufuma masanga gha kighenyi, kufuma mashariki, na magharibi; kufuma kaskazinyi na kusinyi.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 23:8

ela wichaghema, ‘Sa iji BWANA uko moyo, uo orewilongozereghe na kulongoza kivalwa cha nyumba ya Israeli kufuma isanga ja kaskazinyi, na kufuma masanga ghose orewiwingieghe;’ nawo wichakaia isangenyi jawo jeni.”

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

EZEKIELI 20:34

Nichamreda kufuma kwa wandu, na kufuma masanga ghose moresaghisikieghe, kwa kudima kwapo, na kwa ndighi, na kwa machu ghapo;

EZEKIELI 20:41

Nichamrumiria sa marumba ghinukie nicha, ingelo nichaamfunya mfume kwa wandu, na kumtumbanya kufuma agho masanga moresaghisikieghe; nani nichawonyera wueli ghwapo aghadi ya iro mbari ra wandu.

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

EZEKIELI 34:13

Nani nicharifunya kufuma kwa wandu, na kufuma masangenyi. Nicharireda isangenyi jawo jeni, na kurilisha aighu mighondinyi ya Israeli, mbai na mbai ya ndoria ra machi, na andu kose kukailwagha ni wandu isangenyi.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

MIKA 4:6

BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi.

ZEFANIA 3:19

Ngelo yaawuyacha; nichawikaba wakorongi wako. Nichawivuvua watighini wose, na kuwighalisha wose weredwaloghe wunyika. Waya ghwaro ghuchaghaluswa kunekwa ishima na wurumwengu ghose ghuchawikuma.

ZEKARIA 2:6

BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”

MATHAYO 12:20

Mrangi ghufashikie ndechaaghuchikanya, na mtambi ghuakagha ndechaaghurimisha hata wameria kubonya hachi isime,

JOHANE 21:15

Nao iji wameria kuja, Jesu ukamzera Simoni Petro, “Wele Simoni, mwana wa Johane, kwanikunde kuchumba awa?” Ukatumbulia, “Ee Bwana, oho kwaichi angu nakukunde.” Jesu ukamzera, “Kuzighaneghee wana wa ng'ondi wapo.”

1 WAKORINTHO 8:10

Ngera mundu wa nia ya wunyonge, wakuwona oho kumanyagha kwasea kidombo kukija andenyi ya hekalu ya milimu, welee, ndechaanekwa ngolo eja vindo vifunyiro kizongona kwa milimu anguwada?

WUKUMBUSO 30:4

Hata ngera mwasaghisiro hata kutuonyi kwa ndoenyi, BWANA Mlungu onyu uchamtumbanya kufuma aho na kumreda,

1 WATHESALONIKE 5:14

Idana wanidu damshashira muwikanie na kuwiwonyera awo wiko waghadi, muwikumbe ngolo awo wifwagha ngolo, muwitesie wanyonge, mkaie na irumaghio kwa wose.

WAEBRANIA 12:12

Kwa huwo iwusirenyi mikonu yenyu iko minyonge na kuvifungisha ndighi vitemberu venyu vitewelekagha.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.