Biblia Todo Logo
Առցանց Աստվածաշունչ

- Գովազդներ -




JEREMIA 31:34 - Biblia Ilagho Jiboie Kwa Wandu Wose

34 Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

Տես գլուխը Պատճենել




JEREMIA 31:34
42 Խաչաձեւ Հղումներ  

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.


Kusakekumbuka kaung'a na makosa gha wudawana ghwapo ee BWANA; kunikumbuke kwa wucha ghwako kunughana na lukundo lwako lukatie.


Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.


Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”


Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.


Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.


BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.


Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.


Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.


Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”


Kwa huwo wandu wapo wichanimanya ituku jija kukaia, ni Ini nidedagha, na ni Ini niko aha.”


Nichawifundisha wana wako wose, nawo wichawona nicha na sere.


Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.


Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.


Nani nichawielesha wuwiwi ghwa kaung'a yawo yose winibonyere, na kuwifuya wughoma kaung'a rawo rose na kuja kunilegha kwawo.


Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”


BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.


Nichamangisha ilaghiro japo na kukubonya kukaie wapo; na oho kuchanirumiria kukaia BWANA.


Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.


Kuchadiwonia wughoma sena. Kucharifasha-fasha kaung'a redu aisi ya maghu, na kurikumba baharinyi imilie.


Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.


Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.


na kuwineka wandu wake kumanya kukia, kwa kulekwa kaung'a rawo;


Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.


“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.


Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.


Walodi wose wamshuhudia uo kukaia, uo ose urumiriagha kwake, uchalekwa kaung'a rake kwa irina jake.”


Mundu uo ose mumfuyagha wughoma, nani wori namfuya wughoma. Ijo nijifuye wughoma, ikakaia jingi jiko, edeeka ni kwa wundu ghonyu imbiri ya Kristo


Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.


Andenyi kwake, isi deko na wukomboli ghodu, kwa chia ya bagha yake; kuja kulekelwa makosa ghedu, karakara na wungi ghwa mvono ghwake,


Idana inyo ndemne haja eandikilwa malagho gha kuwikunda wanidu anduangi, angu inyo mmbeni mwamerie kufundishwa ni Mlungu kukundana mmbeni na mmbeni;


Angu hata ngera ngelo ihi yafwaneghe mkaie walimu, ela mwaduagha mkikunda mndumu umfundishe sena mafundisho gha imbiri gha ilagho ja Mlungu. Wulalo ghwa vindo vikurie, inyo mwaduagha mkikunda mariwa.


Hata ndewichaafundishana kula mundu na mmbao, angu kula mundu na mruna, wikighamba ‘Mmanye Bwana’ angu wose wichanimanya, kufuma mtini, hata m'baa wawo.


Angu nichawifuya wughoma makosa ghawo, na kaung'a rawo sichaarikumbuka sena anduangi.”


Idana inyo mwamerie kuwikwa wakfu kwa kunekwa Roho Mweli ni Kristo, nenyo mwaichi maza rose.


Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.


Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.


Wana wa Eli werekoghe wandu wisefwane, kwa kukaia ndeweremtalieghe BWANA,


Հետեւեք մեզ:

Գովազդներ


Գովազդներ