JEREMIA 31:1 - Biblia Ilagho Jiboie Kwa Wandu Wose

¹ BWANA waghamba, “Ngelo ija nichakaia Mlungu wa vichuku va Israeli, nawo wichakaia wandu wapo.

JEREMIA 31:1 Խաչաձեւ Հղումներ

2 SAMUELI 7:24

Na oho kwawimangishire wandu wako Israeli wikaie wandu wako kwa kala na kala; na oho ee BWANA kwawurie Mlungu wawo.

ZABURI 144:15

Warasimilwa awo wandu wipatagha agho marasimio; warasimilwa awo wandu BWANA uko Mlungu wawo.

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

ISAYA 20:6

Na wandu wikaiagha pwani ya Filistia wichaghora ituku jija, ‘Wonenyi agha ghawipata wandu derewisuwirieghe na awo derekimbirieghe cha kwawo wipate kuditesia na kudikira na mzuri wa Waashuru! Da isi dikia wada?’”

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 30:22

Nenyo mchakaia wandu wapo, na ini nichakaia Mlungu onyu.”

JEREMIA 30:24

Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

JEREMIA 33:14

BWANA waghamba, “Olenyi matuku ghichacha, nani nichajikatisha ilaghiro nerejibonyereghe na wandu wa Israeli na wandu wa Juda.

JEREMIA 33:7

Nichawiwunjira Juda na Israeli mecha ghawo, na kuwiagha sa iji koni werekoghe imbiri.

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

EZEKIELI 11:20

eri wipate kunugha sharia rapo na kuiwadia memu yapo na kuikatisha; nawo wichakaia wandu wapo, nani nichakaia Mlungu wawo.

EZEKIELI 34:24

Na ini BWANA nichakaia Mlungu wawo, na mdumiki wapo Daudi uchakaia m'baa wawo; ini BWANA najighora ilagho ijo.

EZEKIELI 34:31

Inyo mo ng'ondi rapo, iro ng'ondi ra malisho ghapo, mo wandu wapo, na ini ne Mlungu onyu. Ini Bwana MLUNGU naghamba.”

EZEKIELI 36:28

Mchakaia andenyi ya isanga nerejinekieghe weke ndeyo, nenyo mchakaia wandu wapo na ini nichakaia Mlungu onyu.

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

WALAWI 26:12

Nichasela aghadi konyu, nani nichakaia Mlungu onyu, nenyo mchakaia wandu wapo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WAEBRANIA 12:16

Mndungi usekaie mlaki, angu usemuobuagha Mlungu sa Esau uo oreuzireghe hachi ya kuvalwa kwake kwa vindo va ngelo imweri.