JEREMIA 30:24 - Biblia Ilagho Jiboie Kwa Wandu Wose

²⁴ Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JEREMIA 30:24 Խաչաձեւ Հղումներ

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

MIKA 4:1

Matuku ghichagha, mghondi andu Hekalu ya BWANA ikaiagha, ghuchakaia ighu kuchumba yose, ghukikaia ighu kuchumba yose na wandu wa mbari rose wichacha wikighughendia.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

JEREMIA 48:47

Ela kutuonyi nichammbunjira Moabu mecha ghake, ini BWANA naghamba.” Uko niko kutanywa kwa Moabu.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

ISAYA 46:11

Naawuyawanga nyonyi eja nyama kufuma mashariki, uo mundu okatisha makusudi ghapo kufuma isanga ja kula. Namerie kujighora, najo jichakaia; namerie kujipanga, nani nichajikatisha.

ISAYA 14:24

BWANA Uwadie Ndighi Rose wabonya ighemi huwu, “Agho nighibonyere mpango ghichabonyeka, na makusudi ghapo ghichakatia.

1 SAMUELI 3:12

Ituku ijo nichakatisha malagho ghose nereghighorieghe aighu ya Eli na nyumba yake kufuma kuzoya hata kutua;

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WUKUMBUSO 4:30

Iji kwangilwa ni wasi, na kupatwa ni maza iri rose, kutua kuchamghalukia BWANA Mlungu wako na kumsikira.

MITALO 24:14

Balaamu ukamzera Balaki, “Ola idana niaghala cha mzedu, ela choo nikughorie seji awandu wichaawibonya wandu wako matuku ghichagha.”

KUZOYA 49:1

Nao Jakobo ukawiwanga wana wake wose ukawizera, “Kwanyikenyi chiaimweri, nipate kummanyisha iro maza richaampata matuku ghichagha:

JEREMIA 49:39

Ela konyuma, nichawiwunjira wandu wa Elamu mecha ghawo, Ini BWANA naghamba.”

JEREMIA 49:37

Nichawingira wandu wa Elamu wowa imbiri ya wamaiza wawo, na imbiri ya awo wilolagha kuwibwagha, nichareda mawiwi aighu kwawo kwa machu ghapo ghibirie. Nichawidumia wandu wibwagho wudenyi, hata niwimerie wose.

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

JEREMIA 23:19

Ola machu gha BWANA ghafuma sa kiremba ghawichea awo wawiwi sa kikulughulu.