JEREMIA 30:21 - Biblia Ilagho Jiboie Kwa Wandu Wose

²¹ M'baa wawo uchafuma kwawo koni, na uo ubonyagha nguma uchafuma aghadi kwawo, nicham'bonya usoghode kaavui nani, nao uchakaia kaavui nani; angu nani udimagha kunisoghodera kwa ndighi rake reni?

JEREMIA 30:21 Խաչաձեւ Հղումներ

MITALO 16:5

ukamzera Kora na wandu wake, “Kesho BWANA uchawonyera u mundu uko wake, nao nani uelie; na uo mundu umsaghuagha ucham'bonya usoghode kaavui nao.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

JEREMIA 30:9

Ela wichamdumikia BWANA Mlungu wawo; na umu wa kivalwa cha Daudi mzuri wawo, uo nichaammbusira kwa wundu ghwawo.

2 SAMUELI 7:13

Uo uchaniaghia nyumba, nani nichamangisha wuzuri ghwake kwa kala na kala.

WUKUMBUSO 33:5

BWANA ukawuya mzuri wa wandu wake Israeli, iji mbari na vilongozi vawo werekwaneghe chiaimweri.

WUKUMBUSO 18:18

Nichawiwusiria mlodi ufumagha aghadi ya waruna uko sa oho, nani nichamghoria malagho ghapo, agho uchaawighoria.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

MATHAYO 27:37

Chongonyi kwake naighu wereandikieghe mashitaki agha, “UHU NI JESU MZURI WA WAYAHUDI.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

JEREMIA 50:44

“Ola nichacha shwa-shwa seji shimba ijokagha kufuma kilembenyi cha Jordani, kungia iranu ja ng'ondi jimange, na kuwibonya wikimbie kufuma mzinyi kwawo, nani nichammbika mundu mzima aighu ya ugho muzi, uo nichaamsaghua. Nani uko sa ini? Nani udimagha kunishitakia? Ni m'bonyi nguma uao udimagha kulwa nani?

JEREMIA 49:19

Olenyi sa iji shimba ichagha iranunyi ja ng'ondi jimange, kufuma kwa icho kilemba cha Moda ghwa Jordani, niko koni nichaawibonya Waedomu wikimbie shwa-shwa kufuma isangenyi kwawo; nani nichamsaghua mundu mzima ojibonyera nguma uo ose nichaamkunda. Nani uko sa ini, nani udimagha kunishitakia? Ni m'bonyi nguma uao udimagha kusimana nani?

KUZOYA 18:27

Abrahamu ukaghamba, “Nifuye wughoma nidedanye na oho BWANA ini nisefwane kindo chingi, ela ne teri na maivu gheni.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

LUKA 24:26

Welee, ndeeremfwanieghe Kristo kutirirwa maza iri na kungia kwa wubaa ghwake?”

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

ZABURI 89:29

Nichachibonya kivalwa chake chiduo kwa kala sa mawingunyi, nacho chichabonya nguma matuku ghose.

NEHEMIA 7:2

Ngawika wandu wawi wikaie wazighaniri wa muzi ghwa Jerusalemu. Wandu awa ni mwanedu Hanani na Hanania m'baa wa ngome. Hanania orekoghe mundu osuwirilwa na mwoboi Mlungu kuchumba wengi.

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

KUZOYA 18:32

Abrahamu ukaghamba, “Kusejoko ni machu BWANA, nichadeda iji indo jimweri tu. Kukawikua ikumi uko ni wada?” Nao ukaghamba, “Kwa wundu ghwa ikumi sichaatotesha anduangi.”

KUZOYA 18:30

Abrahamu ukaghamba, “Nakuvoya kusezamilo BWANA, leka nidede. Welee, kukawikua mirongo idadu ikaia wada?” Nao ukatumbulia, “Kwa wundu ghwa mirongo idadu sichaaghutotesha anduangi.”

MITALO 16:40

na kukaia lukumbuso kwa wandu wa Israeli eri mndungi useko mkohani wa kivalwa cha Haruni usechesoghoda kufukira marumba imbiri ya BWANA ucheka sa Kora na wandu wake seji BWANA oremghorieghe Eleazari kwa kumtumia Musa.

KUFUMA 3:5

Mlungu ukaghamba, “Kusesoghode kaavui, rua vadu vako maghunyi kwako, kwa kukaia andu kuko kimusi ni andu kwa wueli.”

WUKUMBUSO 17:15

mkaie na wuloli kukaia ni mundu usaghulo ni BWANA; sena ukaie ni umu wa wamzenyu weni msewike mghenyi ungi useko mwanyinyu.

ZABURI 65:4

Warasimilwa wandu kuwisaghuagha na kuwireda kaavui wikaieghe wazenyi kwako. Dichakatwa ni vilambo vicha va nyumbenyi kwako, iyo Hekalu yako ya wueli.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.