JEREMIA 30:19 - Biblia Ilagho Jiboie Kwa Wandu Wose

¹⁹ Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

JEREMIA 30:19 Խաչաձեւ Հղումներ

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

NEHEMIA 8:12

Niko wandu wose wikaghenda chia rawo, wipate kuja na kunywa, na kuwidumia wambao vindo vimu na kukaia na kuboilwa kubaa, kwa kukaia weretambukiloghe ni malagho wereghoreloghe.

NEHEMIA 8:17

Wandu wose werewurieghe kufuma wubarishonyi wikaagha viwanda na kukaia andenyi; angu kufuma ngelo ra Jeshua mwana wa Nuni hata ituku ijo, wandu wa Israeli ndewerekoghe wabonya huwo. Kukakaia kuboilwa kubaa.

ZABURI 53:6

Yakaiagha nicha saki ngera kukia kwa wandu wa Israeli kwadapatika kufuma Sioni! Mlungu ukawunjira wandu wake mecha ghawo, wandu wa Israeli wichaboilwa na kuzuma.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 26:15

Ela oho kwamerie kuchuria iyo mbari ya wandu ee BWANA, kwamerie kuchuria iyo mbari yedu; kwamerie kuichura mano yedu na idana kwaawuyakaswa.

ISAYA 27:6

Matuku ghichagha, kivalwa cha Jakobo chichamanga, wandu wa Israeli wichawona nicha na kubara mbashu, hata wurumwengu ghose ghuchulo ni matunda ghake.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 52:9

Wusirenyi chwaka m'bore chiaimweri, inyo maghacho gha Jerusalemu; kwa kukaia BWANA wawihoresha wandu wake, waghukombua muzi ghwa Jerusalemu.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 60:22

Uo mtini uchawuya kichuku, na uo mtini putu uchawuya mbari iwadie ndighi Ini ne BWANA, nichashashira ilagho ijo kwa ngelo yaro.”

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

JEREMIA 17:26

Na wandu wichafuma mizi ya Juda, na andu kuzima kose kumarie Jerusalemu; kufuma isanga ja Benjamini na kufuma Shefela, na isanga ja mighondinyi, hata kufuma Negebu wikireda vizongona vekora, na vizongona, na mafunyo gha viro, na marumba, na mafunyo gha chawucha andenyi ya Hekalu ya BWANA.

JEREMIA 3:16

Hata iji mwameria kuchurikia na kuera isangenyi, matuku agho, ndewichaja malagho gha Sanduku ya Ilaghano japo. Ndewichaaikumbuka angu kuighesha, hata wandu ndewichaakaia na haja nayo angu kubonya ingi zima anduangi.

JEREMIA 31:27

BWANA waghamba, “Ola matuku ghichacha, nani nichabonya isanga ja Israeli na ja Juda jichulo ni wandu na mfugho.

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

JEREMIA 33:22

Sa iji koni majeshi gha mlungunyi ghisetalikagha, na msangagha ghwa baharinyi ghusepimikagha, ni huwo koni nichaachichuria kivalwa cha mdumiki wapo Daudi na wakohani wa Kilawi awo wawuyanidumikia.”

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

EZEKIELI 37:10

Niko ngafunya wulodi seji nerezereloghe; na miruke ikawingia, wikakaia moyo; wikawuka kimusi kwa maghu ghawo, ijeshi ibaa na ndighi.

EZEKIELI 37:26

Nichabonya ilaghano ja sere nawo, najo jichakaia ilaghano ja kala na kala. Nichawimangisha na kuwibonya wichurikie; na Andu Kwapo kwa Wueli nichakuwika aghadi kwawo kwa kala na kala.

ZEKARIA 10:8

“Nichawiwanga wandu wapo na kuwikwanya chiaimweri. Nichawikombua na kuwibonya wichurikie sa kala.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 2:4

Ukamzera mmbao, “Kimbia kumzere uja mdawana uwadie kamba epima kukaia kuchakaia na wandu wengi na mfugho nyingi andenyi ya Jerusalemu risedimagha kuaghilwa wurigha.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

JOHANE 17:22

Ini nawineka ghuja wubaa ghoni koreninekieghe ini, wipate kukaia kindo chimweri sa iji isi diko umweri.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.