JEREMIA 30:14 - Biblia Ilagho Jiboie Kwa Wandu Wose

¹⁴ Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

JEREMIA 30:14 Խաչաձեւ Հղումներ

AYUBU 16:9

Mlungu wanirashue-rashue kwa machu ghake; wazamilo ni ini na kuja maghegho aighu yapo. M'maiza wapo waawuyanizighana kiwiing'iwi.

AYUBU 19:11

Wamerie kunibonyera machu mabaa, na kunitala kukaia sa m'maiza wake.

AYUBU 30:21

Oho kwawuya mng'eti kwapo, kwaawuyanikoronga kwa ndighi rako rose.

ZABURI 107:17

Wamu werekoghe wakelu; wikatiririka kwa wundu ghwa mawiwi na kaung'a rawo.

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 2:36

Kwaghalue chia rako mando mengi! Kuchafushwa waya ni Wamisri, sa iji koni korefushiroghe waya ni Waashuru.

JEREMIA 22:20

“Joka cha Lebanoni kukeme, wusira lwaka lwako aho Bashani, kukeme kufuma Abarimu; kwa kukaia awo wakundwa wako wose wameria kutoteshwa.

JEREMIA 22:22

Mbeo ichaweta kuwiinja wabonyi nguma wako; na wakundwa wako wichadwalwa wunyika; aho niko kuchaafwa waya nandighi, kwa wundu ghwa wuwiwi ghwako ghose.

JEREMIA 30:15

Kwaki mlalamikagha aighu ya kushoghonoka konyu? Luwawo lonyu ndeluchaasia; kwa kukaia wuwiwi ghonyu ni m'baa na kaung'a renyu ni nyingi, niko nim'bonyere agho malagho.

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 32:30

Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

JEREMIA 32:34

Wadawika milimu yawo ya wuchafu andenyi ya Hekalu iwangilo kwa irina japo, wipate kuilusha.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

JEREMIA 4:30

Na oho ee Jerusalemu kusighilo mkiwa, kwaki kukurushagha nguwo ra ngundu na kukupamba na vilambo va dhahabu, na kukushinga rangi ra meso na kukughokesha duu? Awo kubonyagha lukundo nawo, wameria kukulegha; nawo weekunda kukubwagha.

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 5:5

Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 50:42

Wawadie ndana na mafumu, ni wandu wing'etere wisene wughoma; lwaka lwa kucha kwawo ni sa kururuma kwa bahari, wajoka farasi, wameria kurwa sa mundu wa wuda wichelwa na oho ee muzi ghwa Babuloni.

JEREMIA 6:23

Wadwae ndana na mafumu ghawo; wang'etere hata ndewiwadie wughoma ghungi. Tiri ra kughenda kwawo ni kara kara na kururuma kwa bahari; wajoka aighu ya farasi na kukupanga sa mundu uko tayari kwa wuda, wipate kulwa na oho ee Jerusalemu.”

KILILO CHA JEREMIA 1:19

“Nawangie wangara wapo wikalegha kunitesia; wakohani na vilongozi wafue mzinyi achienyi wikilola vindo vewiwika moyo.

KILILO CHA JEREMIA 1:2

Ghwadalalalila kwa kuwawa ghukidikwa ni mbori. Ndekuwadie mghenyi ungi wake wa kala usigharikie omhoresha. Wangara wake wamfunyire, na wose wawuya wamaiza wake.

KILILO CHA JEREMIA 2:1

BWANA waiwikie Jerusalemu kirenyi kwa wundu ghwa machu ghake. Wakunonie kughoka kwake kwa wubaa kukanoneka putu. Ituku ujokelo ni machu ndecheekumbuka hata Hekalu yake.

EZEKIELI 23:22

“Kwa huwo ee Oholiba, ini Bwana MLUNGU naghamba huwu: Ola nichawiwusira awo wakundwa wako wawuyakuzamia wilo na oho, nichawireda kufuma kula andu.

EZEKIELI 23:9

Kwa huwo neremngirieghe mikonunyi kwa Waashuru, awo werekoghe wakundwa wake werekoghe wikilala nao.

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

OBADIA 1:7

Waghenyi wako weekukalia; wakuwingie kufuma isangenyi jako. Wandu werekoghe na sere na oho, wakusima. Waghenyi wako morejanyagha wakudeghia shaghala; waghora aighu yako, ‘Ugho wuing'oni orekoghe nagho ghuao?’