JEREMIA 30:13 - Biblia Ilagho Jiboie Kwa Wandu Wose

¹³ Ndekuwadie mndungi otesia maza renyu, na wughanga ghwa chonda chenyu ndeghuko, ndeidimikagha m'boo.

JEREMIA 30:13 Խաչաձեւ Հղումներ

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

AYUBU 5:18

Ukashoghonua, ufunga; ukakaba, uboisa.

ZABURI 106:23

Mlungu ughamba uawitotesha wandu wake, Musa uo mdumiki wake usaghulo ukamkania; ukahoresha machu ghake usewitoteshe.

ZABURI 142:4

Ngeduazighana ii chia, siwonagha mndungi onitesia, hata onilindia mndungi onitala ndeuko.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 17:14

Kuniboise ee BWANA, nani nichaboa; kunikire nani nichakia angu ni oho kuekeri nikukasagha.

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

JEREMIA 46:11

Inyo wandu wa Misri jokenyi cha Gileadi, mpate wughanga ghwa mavuda; mwatumie maghanga mengi duu, ghisedimagha kum'boisa.

JEREMIA 6:7

Seji kisima chifunyagha machi ghihorie ni huwo koni Jerusalemu ikaiagha na wuwiwi ghwake; lung'eto na kunoneka vasikirika andenyi yake, wukongo na vonda vawoneka imbiri kwapo kari kose.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

EZEKIELI 22:30

Neremlolieghe mndungi aghadi kwawo oagha ugho wurigha, nao ukaie kimusi andu kuvuchukie imbiri kwapo, upate kujidederia ijo isanga, eri nisejitoteshe, ela serewonieghe mndungi.

EZEKIELI 30:21

“Mwana wa mdamu, namerie kuchikanya mkonu ghwa mzuri wa Misri; nagho hoghu ndeghufungilo wei ghuboo, na kupata ndighi relwa wuda sena.

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

NAHUMU 3:19

Kushoghonoka kwako ndekurighitikagha, vonda varo ndeviboagha. Wandu wisikiragha malagho ghako, wichakaba chui kwa kuboilwa. Nani useichi kinyanya chako chisene kutua?

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 JOHANE 2:1

Wana wapo watini, namuandikia agha eri msebonye kaung'a; ela ngera mndungi wabonya kaung'a, deko na mdederii kwa uja Aba, Jesu Kristo uja Mhachi,