JEREMIA 3:8 - Biblia Ilagho Jiboie Kwa Wandu Wose

⁸ Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

JEREMIA 3:8 Խաչաձեւ Հղումներ

2 MALAGHO GHA NGELO 21:11

Na aighu ya agho, ukaagha andu kotasira mighondinyi isanga ja Juda, ukawilongoza wandu wikaiagha Jerusalemu wisowe wuloli na kuwilaghasha wandu wa Juda.

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

JEREMIA 33:24

“Welee, ndekuzighanire kukamanya seji awa wandu wawuyaghamba wei, ‘BWANA wamerie kuvilegha ivi vinyumba viwi orevisaghueghe?’ Na huwo wawimenyere wandu wapo hata ndewiduagha wikiwoneka sa mbari mesonyi kwawo.

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

EZEKIELI 16:46

Mwanyinyu wa waka m'baa ni Samaria, uo orekoghe cha kaskazinyi yako na mizi yake; na mwanyinyu wa waka mtini, uo orekoghe cha kusinyi chiaimweri na mizi yake ni Sodoma.

EZEKIELI 16:47

Sena ndekorekatoghe ni uko kubonya sa awo weni, na kusunga maza ra wuchafu ghwawo; ela kapindi katini tu korenonieghe tabia rako rose kuchumba awo weni.

EZEKIELI 16:51

Samaria ndeibonyere nusu ya kaung'a rako. Oho kwabonyere wuchafu mungi kumchumba, sena kukawibonya wanyinyu wa waka wiwonekeghe kukaia wahachi wikafwananishwa na oho, kwa ugho wuchafu ghwako mungi kughubonyere.

EZEKIELI 23:44

Kwa kukaia womi wawuyangia kwake sa iji koni wighendagha kwa ilaya. Na huwo niko womi werekoghe wikighenda kwa Ohola na Oholiba, wipate kubonya wulaki nawo.

EZEKIELI 23:9

Kwa huwo neremngirieghe mikonunyi kwa Waashuru, awo werekoghe wakundwa wake werekoghe wikilala nao.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

WUKUMBUSO 24:1

“Mundu ukalowua muka, nao wilemane kwa kuleghaboilwa ni tabia rake, hata umuandikie barua etana nao na kumneka, uo muka uchafuma nyumbenyi kwake ughende.

WUKUMBUSO 24:3

na uo mundu ulemane nao na kumuandikia barua etana nao na kumneka, uchafuma nyumbenyi kwake ughende. Angu kewada uo mundu ucheemlowua nanyuma waafwa,