JEREMIA 3:5 - Biblia Ilagho Jiboie Kwa Wandu Wose

⁵ ndekuchakaia na machu matuku ghose, hata ndekuchaazamilwa ni ini kwa kala na kala.’ Israeli, huwo niko kwawuyaghora, ela sena kwaawuyabonya wuwiwi ugho ghose kughudimagha.”

JEREMIA 3:5 Խաչաձեւ Հղումներ

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

ZABURI 85:5

Welee, kuadibonyera machu matuku ghose? Machu ghako ndeghisiagha?

ZABURI 85:6

Welee, ndekuwuyaadikaisha moyo sena, wandu wako wipate kuboilwa?

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

ISAYA 64:9

Kusebonye machu putu ee BWANA, hata kusakekumbuka mawiwi ghedu kwa kala. Zighana, kudimanye kukaia diwose isi deko wandu wako.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

JEREMIA 8:6

Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

EZEKIELI 22:6

Wabaa wose wa Israeli wiko kwako weekurumiria weni, nawo watumia ndighi rawo kubwagha wandu.

MIKA 2:1

Ni bugha kwa wandu wilalagha wilave kwa kubonya mipango izamie. Ndoe ikaela, wichaikatisha mipango iyo iji wapata wulalo.

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.