JEREMIA 28:11 - Biblia Ilagho Jiboie Kwa Wandu Wose

¹¹ Hanania ukaghamba imbiri ya wandu wose, “BWANA waghamba huwu, Huwu niko nichaaichikanya ghongolo ya Nebukadnezari mzuri wa Babuloni ifume singonyi kwa mbari rose andenyi ya miaka iwi.” Ela Jeremia ukaghenda chia yake.

JEREMIA 28:11 Խաչաձեւ Հղումներ

1 WAZURI 13:18

Niko uja mlodi wa kala ufumie Betheli ukamzera “Ini wori ne mlodi sa oho; malaika wadedanya nani kwa ilagho ja BWANA ukinizera nikudo nyumbenyi kwapo kuje vindo.” Ela odemkalia.

1 WAZURI 22:6

Nao Ahabu ukawikwanya walodi chiaimweri, sa wandu maghana ana, ukawizera, “Mmbona wada, nijoke Ramoth-Gileadi kulwa wuda angu nisejoke?” Walodi wikamzera, “Joka, kwa kukaia BWANA uchakuneka wusimi.”

2 MALAGHO GHA NGELO 18:10

Na Zedekia mwana wa Kenaana orekoghe wakufunga mbembe ra chuma na kughamba, “BWANA waghamba huwu ‘Kuchawisindika Wasiria na iri mbembe hata wameria kutoteshwa.’”

MAKATANISHO 14:7

Kusekanye na mkelu, ndedimagha kukufundisha ilagho jingi.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 28:15

Nao mlodi Jeremia ukamzera mlodi Hanania, “Sikira Hanania, BWANA ndekudumie kungi, na oho kwawibonya wandu awa wirumirie malagho gha tee.

JEREMIA 29:9

kwa kukaia waawuyamfunyira wulodi ghwa tee kwa irina japo, ini siwidumie.’

EZEKIELI 13:7

Wele huwo ndemoowona mawono ghiseko gha loli, na kulaghua malagho gha tee iji mghoragha, ‘BWANA waghamba’ sena niseghorie ilagho jingi anguwada?”