JEREMIA 27:9 - Biblia Ilagho Jiboie Kwa Wandu Wose

⁹ Kwa huwo msakewisikiria awo walodi, angu wawoni mawono gha maza richagha, angu walodi ndodo, angu waghori na pepo retambua maza richagha, angu walaghui; awo wimzeragha wei ndemchaamdumikia mzuri wa Babuloni kungi.

JEREMIA 27:9 Խաչաձեւ Հղումներ

KUFUMA 22:18

“Kusakemsigha msawi wa waka ukaie moyo.

KUFUMA 7:11

Niko Farao ukawiwanga wandu wake wa akili na wasawi, na awo waghanga wa Misri wikabonya wokoni kwa wuya ghwa akili rawo.

MAKATANISHO 19:27

Mwana wapo, kukalegha mafundisho, kuchalaghaya kusowe kumanya.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:16

BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 29:8

Angu ini BWANA wa majeshi, uo Mlungu wa Israeli naghamba huwu, Msesighe walodi wenyu, na wandu wenyu wetambua pepo wiko aghadi konyu wimkalie, hata msakesikira ndodo rawo wilodagha;

EZEKIELI 21:29

Ngelo wimlaghuyagha na kuwona mawono gha tee kwa wundu ghonyu, wichadumbulwa marangi na ulo lufu, kwa wundu ghwa wuwiwi ghuzamie nandighi. Ituku jawo ja kutua jekabwa jameria kuvika.

DANIELI 4:7

Niko wasawi na waghanga, na Wababuloni, na wamanyi wa nyerinyeri wikacha; ngawighoria ndodo yapo, ela ndeweredimieghe kunitambishira kutambua kwaro.

MIKA 3:7

Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.

ZEKARIA 10:2

Wandu weelaghaya sa ng'ondi wikilola njama kwa milimu; walaghui wiaghora malagho gha tee; wandu wamu wiafasiri ndodo ra tee relaghasha; waja wasi kwa kusowa kilongozi.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MABONYO GHA WADUMI 8:11

Nawo werekoghe wikimsikiria, angu kwa matuku mengi orewishinueghe wandu kwa wusawi ghwake.

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WUKUMBUSO 13:2

na loli ikatie. Ukaghamba wei mnughe milungu mizima muitase, milungu mseiichi,

WUKUMBUSO 18:14

Niko Musa ukaghamba, “Isanga mwalighisa kujiwusa wandu waro wadanugha njama ra wasawi na walaghui. Ela BWANA Mlungu onyu ndemrumirie kubonya huwo anduangi.

JOSHUA 13:22

Umu wa awo wandu werebwaghiloghe ni wandu wa Israeli orekoghe uja mlaghui Balaamu mwana wa Beori.

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WUFUNUO 9:21

Hata ndewereherieghe na kusigha kubwagha kwawo, wusawi ghwawo, kulaka kwawo, angu wutoi ghwawo anduangi.