JEREMIA 25:3 - Biblia Ilagho Jiboie Kwa Wandu Wose

³ “Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 25:3 Խաչաձեւ Հղումներ

KUZOYA 22:3

Abrahamu ukawuka nakesho kio, ukaala punda wake, nao ukadwa wadawana wawi andwamweri na mwana wake Isaaka, ukadumbua mbande kwa wundu ghwa icho kizongona chekora, ukawuka na kukughendia andu aho oreghoreloghe ni Mlungu.

1 WAZURI 22:3

Nao Ahabu ukawizera wabaa wake, “Ndemuichi Ramath-gileadi ni mzedu? Kwaki dikaiagha kima woruwu diseiwusagha kufuma kwa mzuri wa Siria?”

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

2 MALAGHO GHA NGELO 24:19

Hata huwo saki Mlungu orekoghe ukiwidumia walodi upate kuwiwunja kwake, nawo wikawishuhudia, ela wandu wikalegha kusikira.

2 MALAGHO GHA NGELO 34:1

Josia orekoghe mundu wa irika ja miaka wunyanya iji orezoyagha kubonya nguma; ukabonya nguma Jerusalemu miaka mirongo idadu na ghumweri.

2 MALAGHO GHA NGELO 34:3

Mwaka ghwa wunyanya ghwa kubonya nguma kwake, orezoeghe kumlola Mlungu wa ndee Daudi uko mwana wokoni; na mwaka ghwa ikumi na iwi, ukazoya kuielesha Juda na Jerusalemu kwa kuinja andu kotasira mighondinyi, na fwana ra mlungu ghwa waka Ashera, na fwana rewacha na rechana.

2 MALAGHO GHA NGELO 34:8

Mwaka ghwa ikumi na wunyanya ghwa kubonya nguma kwa Mzuri Josia, nyuma ya kujielesha isanga na Hekalu, ukaduma Shafani mwana wa Azalia, na Maaseia, m'baa wa muzi, na Joa mwana wa Joahazi, karani, wiendeboisa Hekalu ya BWANA Mlungu wake.

2 MALAGHO GHA NGELO 36:15

BWANA, uo Mlungu wa weke ndee, orekoghe ukiwidumia wadumwa wake sena na sena, angu orekoghe na wughoma kwa wandu wake, na Andu kwake Kokaia.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

KUFUMA 8:20

BWANA ukamzera Musa, “Kesho kuwuke kokio, kughende kukwane na Farao ukighenda modenyi kumzere Bwana waghamba huwu, ‘Sigha wandu wapo wighende eri wipate kunidumikia.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

JEREMIA 1:2

BWANA oreghorieghe na Jeremia mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda.

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 25:4

Ndemcheesikira hata kudegha kudu konyu wei msikire, hata ngera BWANA wafungie ndighi kumdumia wadumiki wake walodi ngelo kwa ngelo;

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 35:14

Malaghiro Jonadabu mwana wa Rekabu ulaghirie wana wake wisenyo divei, waghiwadie; nawo ndewinywagha divei hata linu, kwa kukaia wamsikire ndee. Ini naghorie nenyo sena na sena, ela ndemunisikire anduangi.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 36:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, BWANA oreghorieghe nani ukighamba,

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 7:25

Kufuma ituku jija nerewifunyireghe weke ndeyo isanga ja Misri hata idime, sisighie jingi kuwidumia wazumba wapo tuli tuli,

EZEKIELI 33:4

Mndungi ukatoteshwa ni ugo wuda kwa kuleghatala lwaka lwa tarumbeta, bagha yake ichakaia aighu yake moni.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

MARKO 1:35

Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu.

JOHANE 8:2

Nakesho yaro ko kio ukacha sena Hekalunyi; na wandu wose wikamkwanyikia chia rose, nao ukasea kidombo ukawifundisha.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

2 TIMOTHEO 4:2

Chila jija Ilagho ngelo ifwane, na ngelo isefwane; wonyera, kania, shashira, kwa kurumaghia kose na kufundisha.