JEREMIA 25:12 - Biblia Ilagho Jiboie Kwa Wandu Wose

¹² “Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 25:12 Խաչաձեւ Հղումներ

2 WAZURI 24:1

Ngelo Jehoiakimu orekoghe mzuri wa Juda, Nebukadnezari mzuri wa Babuloni ukajoka na kum'bonya Jehoiakimu ukaie aisi yake kwa miaka idadu; konyuma Jehoiakimu ukamlegha Nebukadnezari.

2 MALAGHO GHA NGELO 36:22

Mwaka ghwa imbiri ghwa Kuro mzuri wa Pashia, eri ilagho ja BWANA jipate kukatia kwaro, ijo jereghoreloghe ni Mlodi Jeremia, BWANA ukamngira Kuro mzuri wa Pashia ngolo eeresha malagho andenyi ya wuzuri ghwake ghose na kughiandika wori, ukighamba,

ZABURI 137:8

Ee muzi ghwa Babuloni, kuchatoteshwa! Warasimilwa uo mundu uchaalipa ngenga kwa wundu ghwa agho kudibonyere.

ISAYA 13:19

Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 15:6

Machi gha Nimrimu ghaomie, nyasi reeoma na zima nderiwuebuka, hata mghina ghungi ndeghuko.

ISAYA 20:1

Iji m'baa wa majeshi gha Ashuru oredumiloghe ni mzuri Sargoni wa Waashuru, upate kuwikaba Wafilisti, orekabieghe muzi ghwawo ghwa Ashdodi ukawisima.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 46:1

“Milungu ya Babuloni, Beli na Nebo, iyo erekoghe ikitaswa na kughoghomelwa yasia; yadukwa ni weke punda na ng'ombe, na kurilemeresha nyamandu rasilwa.

JEREMIA 23:2

BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 27:22

vichadwalwa cha Babuloni, navo vichakaia aho hata iyo ngelo uchaavizighana; niko uchaaviwunja na kuviwika sena andu aha.”

JEREMIA 27:7

Mbari rose ra wandu richamdumikia uo, na mwana wake, na wawae; hata ngelo ivike ya kughwa kwa mbari yake. Aho niko mbari nyingi, na wazuri wabaa wichaam'bonya Nebukadnezari ukaie mzumba wawo.

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

EZEKIELI 35:9

Nichakubonya kuwoneke mduu matuku ghose, na mizi yako ndeichaakailwa ni mndungi. Niko aho mchamanya kukaia ini ne BWANA.

DANIELI 9:2

Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

HABAKUKI 1:17

Welee, wiadua wikiwada na nyavu rawo, angu wiadua wikibwagha wandu wa iro mbari matuku ghose kuseko na wughoma ghungi?