JEREMIA 23:40 - Biblia Ilagho Jiboie Kwa Wandu Wose

⁴⁰ Nani nichamredia aighu konyu masholio ghedua na waya ghwa ngelo rose ghusechaaliwika.”

JEREMIA 23:40 Խաչաձեւ Հղումներ

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

EZEKIELI 16:52

Idana kurumaghie masholio ghako kumoni; kwa kukaia iro kaung'a nyingi kubonyere, rashekerie wanyinyu wiwoneke kukaia wandu wa hachi angu wisebonyere sa oho; kwa huwo kufo waya, kurumaghie masholio ghako; angu kuwibonyere wanyinyu wiwoneke kukaia wahachi.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

HOSEA 4:7

“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya.

WUKUMBUSO 28:37

Kuchaobolwa ni wandu, kuseko na kumenywa ni wandu wose andu BWANA uchaakughenja.