JEREMIA 23:21 - Biblia Ilagho Jiboie Kwa Wandu Wose

²¹ BWANA waghamba, “Ini siwidumie awa walodi, ela wikaghenda; sighorie nawo, ela sena wikafunya wulodi.

JEREMIA 23:21 Խաչաձեւ Հղումներ

ISAYA 6:8

Ngasikira lwaka lwa BWANA lukighamba, “Nimduma ani; nani ukufunyagha kughenda kwa wundu ghodu?” Niko ngaghamba, “Neko aha, nidume ini.”

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 27:14

Msakewisikira awa walodi wimzeragha wei ‘Msekufunye kwa mzuri wa Babuloni,’ kwa kukaia waawuyamfunyira wulodi ghwa tee.

JEREMIA 27:15

BWANA ooghora ndewidumie kungi, ela waawuyamfunyira wulodi ghwa tee kwa irina jake; na ii chia malagho ghake ghiakatia agho umzerie uchammbinga noko, nenyo mchatota chiaimweri na awo walodi wawuyamfunyira wulodi.”

JEREMIA 28:15

Nao mlodi Jeremia ukamzera mlodi Hanania, “Sikira Hanania, BWANA ndekudumie kungi, na oho kwawibonya wandu awa wirumirie malagho gha tee.

JEREMIA 29:31

“Duma malagho kwa wandu wose widwalo wunyika kughambe kukaia, ‘BWANA waghamba huwu aighu ya Shemaia Mnehelami: Kwa kukaia Shemaia wamfunyire wulodi nisemdumie, hata ukam'bonya inyo mrumirie tee,

JEREMIA 29:8

Angu ini BWANA wa majeshi, uo Mlungu wa Israeli naghamba huwu, Msesighe walodi wenyu, na wandu wenyu wetambua pepo wiko aghadi konyu wimkalie, hata msakesikira ndodo rawo wilodagha;

JEREMIA 29:9

kwa kukaia waawuyamfunyira wulodi ghwa tee kwa irina japo, ini siwidumie.’

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

MABONYO GHA WADUMI 13:4

Niko Barnaba na Sauli wikidumwa ni Roho Mweli, wikasea Seleukia, na kufuma aho wikadamba kwa bahari hata Kupro.

WAROMA 10:15

Na wandu wichila wada ngera wisedumilo? Sa iji iandikilo, “Kwaboie nandighi kucha kwa awo wandu wiredagha Ilagho Jiboie.”