JEREMIA 23:17 - Biblia Ilagho Jiboie Kwa Wandu Wose

¹⁷ Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 23:17 Խաչաձեւ Հղումներ

2 SAMUELI 12:10

Kwa huwo, wandu wa kivalwa chako jingi ndewichaakaia wisebwaghwaa kwa lufu, kwa kukaia kwanimenyere kukawusa mka wa Uria uwuye mkako.’

ISAYA 30:10

na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

ISAYA 57:21

Ndekuwadie sere ingi kwa wandu wawiwi,” waghamba Mlungu wapo.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 4:10

Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 8:11

Weerighita chonda cha wandu wapo ighu ighu, wikighamba, ‘Sere, sere,’ ingelo sere ingi iseko.

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:10

Kwa kukaia wawilaghashire wandu wapo wikighamba, ‘Sere,’ sena sere iseko; na wandu wikaagha wurigha kisha-kisha, awo walodi wadaghushinga chokaa.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

ZEKARIA 10:2

Wandu weelaghaya sa ng'ondi wikilola njama kwa milimu; walaghui wiaghora malagho gha tee; wandu wamu wiafasiri ndodo ra tee relaghasha; waja wasi kwa kusowa kilongozi.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MITALO 11:20

ela mchaja kwa mori mlazi ridime rafuma na mbua, hata mrikoje; angu mwamleghie BWANA uo uko aghadi konyu mkilila wei kumangu ndemorefumagha Misri.’”

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.