JEREMIA 23:14 - Biblia Ilagho Jiboie Kwa Wandu Wose

¹⁴ Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 23:14 Խաչաձեւ Հղումներ

KUZOYA 13:13

Na wandu wa Sodoma werekoghe wawiwi na wakaung'a na ndighi imbiri ya BWANA.

KUZOYA 18:20

Niko BWANA ukaghamba, “Kwa kukaia kililo cha Sodoma na Gomora chakaia kibaa, na kaung'a yawo yakaia mbaa na ndighi,

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

KUZOYA 19:25

ukaighusha mizi yose, na vololo yose, na wandu wose werekoghe wikikaia andenyi yaro, andwamweri na icho chose cherebukieghe andoenyi chikanoneka.

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 18:13

BWANA waghamba, “Kotienyi mbari rose ra wandu ngera mndungi wasikire ilagho sa ijo; Wandu wa Israeli wabonyere ilagho jizamie nandighi.

JEREMIA 20:16

Uo mundu ndekaie karakara na mizi iyo BWANA oreitoteshereghe, kuseko na wughoma ghungi ndesikire kililo luma lwa nakesho, na lwaka lwa wuda luma lwa dime ghadi.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 23:22

Ngera loli wedeeka andenyi ya njama rapo, kumangu waghorie wandu wapo ilagho japo, na kumangu wandu wapo waghalukie na kusigha chia rawo mbiwi, na mabonyo ghawo ghizamie.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 29:21

“BWANA wa majeshi, uo Mlungu wa Israeli waghamba huwu aighu ya Ahabu mwana wa Kolaia na Zedekia mwana wa Maaseia, awo wawuyamfunyira wulodi ghwa tee kwa irina jake: ‘Ola nichawingira mikonunyi kwa Nebukadnezari, mzuri wa Babuloni, nao uchawibwagha imbiri konyu.

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 49:18

Angu iji Sodoma na Gomora chiaimweri na mizi iko mbai mbai eretotesheroghe, ndekuwadie mndungi uchaakaia aho angu kuidiria aho.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

EZEKIELI 13:16

Awo walodi wa Israeli werefunyagha wulodi aighu ya Jerusalemu, na kuwona mawono gha sere kwa wundu ghwaro, ingelo sere ingi iseko, ndewiko. Ini Bwana MLUNGU naghamba.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

HOSEA 6:10

Nawonie ilagho jizamie nandighi andenyi ya Israeli: Wandu wapo waawuyakulusha weni kwa kutasa milimu.

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

MALAKI 1:1

Iji ni ilagho ja BWANA oremnekieghe Malaki uwighorie wandu wa Israeli.

MATHAYO 11:24

Ela namghoria, Ituku ja Kutanywa, ikabo ja Sodoma jikaia baa kuchumba jako.”

WUKUMBUSO 32:32

Wamaiza wawo, winonekie sa Sodoma na Gomora, weeka sa mzabibu ghuvagha zabibu ra sumu riwawie,

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.