JEREMIA 22:24 - Biblia Ilagho Jiboie Kwa Wandu Wose

²⁴ BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

JEREMIA 22:24 Խաչաձեւ Հղումներ

2 WAZURI 24:12

Jehoiakini mzuri wa Juda ukakufunya moni kwa mzuri wa Babuloni, chiaimweri na mae, na wadumiki wake, na wabaa wa wandu wake, na wadumiki wake wa ngomenyi; ukadwalwa wunyika ni mzuri wa Babuloni mwaka ghwa wunyanya ghwa kubonya nguma kwa mzuri wa Babuloni.

2 WAZURI 24:15

Ukamdwa Jehoiakini cha Babuloni, na mae, na waka wake, wadumiki wake, na wandu wabaa wa isanga, ukawidwa wunyika wose kufuma Jerusalemu hata Babuloni.

1 MALAGHO GHA NGELO 3:16

Kivalwa cha Jehoiakimu na mwana wake ni Jekonia, wawae Sedekia.

2 MALAGHO GHA NGELO 36:9

Jehoiakini orekoghe mundu wa irika ja miaka wunyanya iji orezoyagha kubonya nguma; ukabonya nguma Jerusalemu meri idadu na matuku ikumi. Ukabonya mawiwi imbiri ya BWANA.

LUMBO 8:6

Kusengire mndungi ngolonyi kwako ela ini niekeri; kusewadie ungi mkonunyi kwako ela ini niekeri; kwa kukaia lukundo lwawadie ndighi sa kifwa; iriso jaro jeeng'eta sa kaburi. Jadabusa modo kondenyi, na kukumba lumu lubirie.

ISAYA 49:16

Ola nameria kukuandika aighu ya lui lwa mkonu ghwapo, na mawurigha ghako naawuyaghizighana ngelo rose.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 22:28

Welee, umundu Jehoiakini waakaia sa nyungu imenyekie ibarikie, chombo chisetalwagha ni mndungi? Kwaki ukumbilo noko chiaimweri na wana wake cha isanga wisejiichi?

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 24:1

Nyuma ya Nebukadnezari mzuri wa Babuloni kuwidwa wunyika Jehoiakini mwana wa Jehoiakimu mzuri wa Juda, na wabaa wake, mafundi ghake ghewacha na gechana vuma, kufuma Jerusalemu, BWANA orenifunukuyeghe ngawona vikapu viwi va tini verewikiloghe imbiri ya Hekalu ya BWANA.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 29:2

Aho ni nyuma ya mzuri Jekonia na mae kudwalwa wunyika chiaimweri na weke kolowi, na wabaa wa Juda na Jerusalemu, mafundi, na wachani vuma, kufuma Jerusalemu.

JEREMIA 37:1

Zedekia mwana wa Josia, uo oresaghuloghe ni Nebukadnezari mzuri wa Babuloni ukaie mzuri wa Juda, orebonyereghe nguma wulalo ghwa Jehoiakini mwana wa Jehoiakimu.

HAGAI 2:23

Ituku ijo ee Zerubabeli mwana wa Shealtieli, mdumiki wapo, nichakubonya oho kukaie mzuri kwa nguma yapo, kwa kukaia ni oho nikusaghue.” BWANA wa majeshi waghamba.