JEREMIA 22:15 - Biblia Ilagho Jiboie Kwa Wandu Wose

¹⁵ Kuaghesha kooka mzuri angu kusimanagha aighu ya kuagha na midi ya sida? Welee, ndeyo nderejieghe na kunywa, ukabonya agho ghiko gha loli na gha hachi? Aho niko orewonieghe mecha.

JEREMIA 22:15 Խաչաձեւ Հղումներ

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

1 WAZURI 10:9

BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

2 WAZURI 22:2

Ukabonya malagho mecha imbiri ya BWANA, na kubonya seji ndee Daudi orebonyereghe; hata nderesighieghe kumnugha anduangi.

2 WAZURI 23:25

Ndekorewonekieghe mzuri ungi ofwananishwa na Josia, uo oremghalukieghe BWANA kwa ngolo yake yose, na kwa roho yake yose, na kwa ndighi rake rose, kunughana na Sharia ya Musa; hata sena ndekorewonekieghe mzuri ungi nyuma yake ofwananishwa nao.

1 MALAGHO GHA NGELO 3:15

Wana wa Josia, wa imbiri ni Johanani, wa kawi ni Jehoiakimu, wa kadadu ni Zedekia na wa kana ni Shalumu.

2 MALAGHO GHA NGELO 34:2

Ukabonya mecha imbiri ya BWANA, ukanugha seji ndee Daudi orebonyereghe, hata ndereghalukieghe nambai andu kungi.

2 MALAGHO GHA NGELO 35:22

Hata huwo saki Josia nderemsikireghe, ela ukakughalusa moni upate kulwa nao. Oreleghieghe kusikira malagho gha Neko ghighorelo ni Mlungu; ukangia wudenyi wurindinyi ghwa Megido.

2 MALAGHO GHA NGELO 35:26

Mabonyo ghose gha Josia, na wucha ghose ubonyere kunughana na malagho ghiandikilo sharienyi ya BWANA,

MAKATANISHO 20:28

Hachi na loli yadam'bonya mzuri uduo ukibonya nguma; wuzuri ghwake ghwamazirwa ni hachi.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MAKATANISHO 25:5

Wika wanjama wawiwi kula na mzuri, na wuzuri ghwake ghuchamangishwa kwa hachi.

MAKATANISHO 29:4

Mzuri ukakaia na loli, isanga jikaia nicha, ela uhu ukundagha kuhongwa wadajinona isanga.

MAKATANISHO 31:9

Deda kwa wundu ghwawo, kukaie mtanyi wa hachi. Lindia hachi ra wakiwa na awo wisowagha.”

MCHILI 10:17

Jarasimilwa isanga jiko na mzuri udumbuagha malagho kwa hachi, na vilongozi wijagha kwa ngelo yaro; wikumaziriagha weni wisewongiagha.

MCHILI 2:24

Ndekuwadie ilagho jingi jiboie kwa mundu jichumbagha kuja na kunywa na kuboilwanya na kazi rake. Ijo najo neewona jadafuma kwa Mlungu.

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

ISAYA 33:16

Uo mundu uchakaia banana, andu kuko na wulindiri ghukate sa ngome ya magho; uchanekwa vindo vake na machi ghake ghimkate.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:18

Kwa huwo BWANA waghamba huwu aighu ya Jehoiakimu mwana wa Josia, mzuri wa Juda, “Ndewichaamlilia wikighamba, ‘Ai, o mwanidu wa womi!’ angu ‘Ai, o mwanidu wa waka!’ Ndewichaamlilia wikighamba, ‘Ai o bwana odu!’ angu ‘Ai o mzuri odu!’

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 42:6

Dichalusikira lwaka lwa BWANA, uo dakuduma kwake ikaiagha ni kwa mawiwi angu kwa mecha, dipate mecha iji damsikira BWANA Mlungu odu.”

JEREMIA 7:5

“Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”