JEREMIA 19:5 - Biblia Ilagho Jiboie Kwa Wandu Wose

⁵ na kuagha madhabahu kwa wundu ghwa Baali, wipate kukora wana wawo wa womi aighu modonyi wikaie sa kizongona chekora; ilagho jingi nisewizerie hata kujighora, hata jingi nisejighesha.

JEREMIA 19:5 Խաչաձեւ Հղումներ

2 WAZURI 17:17

Wikafunya wana wawo wa waka na wa womi kizongona wipate kukorwa; wikakufunya kulaghua na kubonya wusawi; wikakufunya putu kubonya mawiwi imbiri ya BWANA, hata wikam'bonya ujoko ni machu.

2 WAZURI 21:6

Ukamfunya mwana wake ukaie kizongona chekora, ukakufundisha kulaghua na kurighita na kulomba njama kwa wandu wa pepo na wasawi; ukam'bonyera BWANA kaung'a na kum'bonya ujoko ni machu.

2 MALAGHO GHA NGELO 28:3

Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

EZEKIELI 16:36

Ini Bwana MLUNGU naghamba, kwawonyere bea rako worinyi, na kufunukuya wandu wuduu ghwako kwa wumalaya ghwako kubonyere na wakundwa wako. Kukatasa milimu na kubwagha wana wako kukiwifunya kizongona kwa milimu.

EZEKIELI 20:26

ngawisigha wikulushe weni kwa kutumia manosi ghawo gheni wighifunyire, ngawibonya wifunye wavalwa wawo wa imbiri kizongona chekora, eri niwioboshe. Nerebonyereghe huwo eri wimanye kukaia ini ne BWANA.

EZEKIELI 38:10

Bwana MLUNGU wakuzera huwu oho Gogu, “Ngelo iyo ikavika, kuchachelwa ni maghesho ghebonya mipango ya wuwiwi.

DANIELI 2:29

“Iji korekoghe kwalala wulinyi kwako ee mzuri, korekoghe kwachelwa ni maghesho gha maza richaakaia konyuma; na uo ufunukuagha maza ra ngasu, ukakumanyisha agho ghichaakaia.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

MITALO 22:41

Nao nakesho yaro, Balaki ukamdwa Balaamu ukamreda aighu ya Bamothi-baali; na kufuma aho ukawiwona wandu wamu wa Israeli kutini, awo werekoghe kaavui.

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.