JEREMIA 18:15 - Biblia Ilagho Jiboie Kwa Wandu Wose

¹⁵ Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 18:15 Խաչաձեւ Հղումներ

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

ISAYA 41:29

Ola i milungu yose ni ya duu, ndeiwadie kazi ingi; milungu yawo echana ni kazi nduu.”

ISAYA 57:14

Ngelo iyo Mlungu uchaghora huwu; “Aghenyi, aghenyi m'boise chia, injenyi vikuwaro chienyi ya wandu wapo wipate kuida.”

ISAYA 62:10

Inyo wandu wa Jerusalemu, fumenyi m'boise chia, boisenyi chia mbaa, muinje magho, wandu wenyu wiwuyagha wipate kungia; josenyi kiweto wandu wipate kuwona.

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

ISAYA 9:16

Awa wawuyawilongoza awandu, waawuyawilaghasha chia; na awo wilongozwagha, waawuyatota.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 11:12

Niko wandu wa mizi ya Juda na awo wikaiagha Jerusalemu wichaghenda kuililia milungu iyo werekoghe wikiifukiria marumba ela ndeichaadima kuwikira ngelo ya wasi ghawo.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 13:25

Ihi niyo kura yako na ifungu jako nimerie kukupimia, kwa kukaia kwamerie kuniliwa na kuirumiria milungu ya tee.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 18:14

Welee, theluji yalekagha kudika kufuma koighu ighonyi ja mghondi ghwa Lebanoni?

JEREMIA 19:5

na kuagha madhabahu kwa wundu ghwa Baali, wipate kukora wana wawo wa womi aighu modonyi wikaie sa kizongona chekora; ilagho jingi nisewizerie hata kujighora, hata jingi nisejighesha.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 44:25

BWANA wa majeshi, uo Mlungu wa Israeli waghamba huwu, “Inyo na waka wenyu mwamerie kughora worinyi kwa memu yenyu na kukatisha kwa mabonyo ghenyu, mkighamba mchakatisha maghemi ghenyu agho maghemi ghenyu moreghibonyereghe ghemfukira marumba Malkia wa Mlungunyi na kumdungia vizongona venyu venywa. Idana bonyenyi na kukatisha maghemi ghenyu.

JEREMIA 51:18

Ndeiwadie fwaida ingi, ni kazi ya duu; ngelo ya kukabwa kwawo ichatota.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

EZEKIELI 36:15

Sichaakubonya kusikire masholio kufuma kwa iro mbari ra wandu sena hata wandu ndewichaakufusha waya, hata ndekuchaaikuwisha mbari yako sena, anduangi, ini Bwana MLUNGU naghamba.”

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

HOSEA 2:6

Kwa huwo nichaikabia chia yake isanju ja minjwa, nani nichaagha wurigha ghoditanya, usedime kuwona chia rake sena.

MALAKI 2:8

“Ela idana inyo wakohani mwaghalukie na mbai na kuisigha chia; mwawikuwishire wandu wengi kwa mafundisho ghenyu; mwamerie kujinona ilaghano nibonyere nenyo.

MATHAYO 15:6

nao huwo kedi ndena haja eneka ndee ishima! Na kwa chia iyo mwaghumenya momu ghwa Mlungu mpate kuwada mizango enyu cheni.

WAROMA 14:21

Ni nicha mundu useje nyama, angu kunywa divei, angu kubonya ijo jose jimkuwishagha mruna.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.