JEREMIA 16:19 - Biblia Ilagho Jiboie Kwa Wandu Wose

¹⁹ Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 16:19 Խաչաձեւ Հղումներ

1 WAZURI 20:23

Nao wabaa wa mzuri wa Siria wikamzera, “Milungu ya Israeli ni milungu ya mighondi; kwa wundu ugho niko widisimie. Ela idana dilo nawo andu kwa wurindi, na kwa loli dichawisima.

ZABURI 18:3

Nadammbanga BWANA, uo ufwanagha kukaswa, nao wadanikira na wamaiza wapo.

ZABURI 19:14

Madedo ghapo na maririkanyo ghapo ndeghirumirikie imbiri kwako ee BWANA, mlindiri wapo na mkomboli wapo.

ZABURI 27:5

Ngelo ya wasi uchaniwika kijunyi kwake; uchanivisa Hekalunyi kwake, na kuniwika ighu aighu ya igho.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 62:2

Nuo uekeri uko mlindiri na kukia kwapo, nao ni ngome yapo; sichaanyavurika anduangi.

ZABURI 62:7

Kukia kwapo na ishima japo vadafuma kwa Mlungu; uo ni mlindiri wapo uko na ndighi, nuo andu kwapo kokimbiria.

ZABURI 65:3

kwa wundu ghwa kaung'a. Iji deresimiloghe mawiwi ghedu, koredifuyeghe wughoma.

ZABURI 68:31

Wadumwa wichacha kufuma Misri; Waethiopia ndewimlombe Mlungu wikiwusira mikonu yawo.

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 44:10

Nani uo ubonyagha mlungu na kuwacha mlimu ghusewadie fwaida ingi?

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 62:2

Mbari ra wandu richawona hachi yako, na wazuri wichaghuwona wubaa ghwako; na oho kuchawangwa irina iwishi, jichaaghorwa ni BWANA moni.

JEREMIA 10:3

Angu mizango ya awa wandu ni ya kisha; wadema mudi kufuma msidunyi na kuwachwa na isoka kwa mikonu ya wandu wiwadie wuya.

JEREMIA 10:5

Milimu yawo ni sa fwana returusa, riwikilo mbuwenyi ya marenge; nderidedagha na ni suti riduko kwa kukaia nderidimagha kughenda. Kusakeriobua, nderikubonyagha ilagho jingi jizamie hata nderibonyagha ilagho jingi icha anduangi.”

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

JEREMIA 17:17

Kusakenibonya nikuobuo angu oho koko andu kwapo kokimbiria ituku ja wasi.

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 3:23

Ni loli kutasa milimu aighu mighondinyi na karamu ra lwafuo ni kwa tee. Hata mikutano yedu ekema ya mighondinyi ni sa ya tee nduu. Kwa loli kukia kwa Israeli kooka andenyi ya BWANA Mlungu odu.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

EZEKIELI 11:16

Kwa huwo kuwighorie ini Bwana MLUNGU naghora hata ngera nawifunyire na kuwighenja kula kwa iro mbari ra wandu na hata ngera nawisaghisire masangenyi, ela sena nichakaia andwamweri nawo kwa ngelo vui andenyi ya agho masanga wereghendieghe.

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

NAHUMU 1:7

BWANA waboie; wadawilindia wandu wake ngelo ya wasi. Wadawilindia awo wimrumiriagha.

HABAKUKI 3:19

Mlungu, uo BWANA Uwadie-Ndighi uchanineka ndighi, uchabonya maghu ghapo ghikaie ghiangue sa gha shaa wadanibonya nighende aighu mighondinyi banana.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

WAROMA 1:25

Wikaghalua wuloli aighu ya Mlungu, na kughuwunja tee kwa kutasa na kudumikia kindo chiumbilo wulalo ghwa Muumbi; nao nuo ukaswagha kwa kala na kala! Amen.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”