JEREMIA 16:16 - Biblia Ilagho Jiboie Kwa Wandu Wose

¹⁶ “Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.

JEREMIA 16:16 Խաչաձեւ Հղումներ

KUZOYA 10:9

Orewurieghe mdiwi m'baa kwa ndighi ra BWANA. Niko wandu wizeranagha, “BWANA ndekubonye kukaie mdiwi m'baa sa Nimrodi.”

ISAYA 2:21

nawo wichakuvisa mbangenyi ra magho, na chughumenyi mbaa ra ndoenyi; wipate kukaia kula na machu gha BWANA na wubaa ghwa nguma yake; iji uchaawuka kuisughusa ndoe.

ISAYA 7:19

Nawo wichacha kwa wungi na kukaia mavongonyi, mbangenyi ra magho, minjonyi na masakenyi na andu kose kolishira.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 49:5

Ola nichareda kiture aighu yenyu chichaafuma kwa awo wimmarie chia rose, nenyo mchawingwa; na kula umu onyu uchakimbia kukukira, hata ndekuchaakaia na mndungi owitumbanya wakimbii.

JEREMIA 6:9

BWANA wa majeshi ukanizera, “Kwanyenyi masighariko gha Israeli nicha, seji mundu ukuwidagha zabibu, ukiwuria-wuria a mbashunyi raro.”

KILILO CHA JEREMIA 4:18

Dikachuria kuweseria wutesia kufuma kwa mbari iserekoghe na wutesia ghungi, ndederedimieghe kufuma hata chienyi koni. Matuku ghedu ghedesia; kutua korekoghe kwavika.

KILILO CHA JEREMIA 4:19

Awo werekoghe wikidinugha werekoghe na iseghe kuchumba indu riburukagha. Werediwingieghe aighu mighondinyi, wikadilaliria kireti.

HOSEA 10:10

Nichawichea awandu wa kaung'a chienyi na kuwikaba, na iro mbari ra wandu richakwanyika aighu yawo, nawo wichakabwa kwa wundu ghwa kaung'a rawo nyingi.

AMOSI 4:2

Bwana MLUNGU walaghirie kwa wueli ghwake, “Matuku ghichacha nawo wichamdwa kwa koleo; kula umu onyu uchadwalwa kwa ndoana sa samaki.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

1 SAMUELI 24:11

Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

1 SAMUELI 26:20

Kwa huwo idana, kusakenibwagha andenyi ya isanga jiseko na Mlungu; kwaki mzuri wa Israeli uchaabwagha sawa sa ini? Kwaki kunidiwagha sa mundu udiwagha ngwale mighondinyi?”