JEREMIA 15:15 - Biblia Ilagho Jiboie Kwa Wandu Wose

¹⁵ Niko ngatumbulia, “Oho kwamanya ee BWANA; kunikumbuke na kunilindia. Kulipe kisasi aighu ya watiriri wapo. Kwa wundu ghwa uko kurumaghia kwako kusakenida kula; kumanye naawuyasholelwa kwa wundu ghwako.

JEREMIA 15:15 Խաչաձեւ Հղումներ

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

NEHEMIA 5:19

Kukumbuke wucha nibonyere kwa awa wandu ee Mlungu.

NEHEMIA 6:14

Ngalomba, “Kumbuka agho Tobia na Sanbalati wibonyere ee Mlungu wapo, kuwikabe. Wokoni kuwikabe mlodi wa waka Nodia, na walodi wazima wose awo werekundeghe kuniturusa.”

AYUBU 10:7

Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

ZABURI 102:24

Nani ngaghamba, “Ee Mlungu wapo, kusakenisigha nifo niko mkoo. Ee BWANA, oho kwadua kwa kala na kala.”

ZABURI 106:4

Kukawibonyera wandu wako mecha na ini kunikumbuke ee BWANA; kunitale ingelo kwakawikira.

ZABURI 119:84

Nirumaghia hata lii ini mdumiki wako? Ni lii kuchaawitanya awandu wawuyanitirira?

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

ZABURI 39:13

Nisighe nipate kuboilwa, imbiri niseidie noko na kusoweka putu.”

ZABURI 44:22

Ela sena daawuyabwaghwa kwa wundu ghwako dime dii, na kutalwa kukaia sa ng'ondi ra kubwaghwa.

ISAYA 38:3

ukighamba, “Nakulomba idana ee BWANA, kunikumbuke seji nighendie nicha imbiri kwako, kwa wuloli ghose, na kwa ngolo yose, ngibonya agho ghikuboiagha oho.” Hezekia ukalila nandighi.

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 15:10

Ni bugha kwapo mao, angu korenivaeghe nikaie mundu odeda na kubonya nganyi isanga jose. Sikopeshere hata sikopie kilambo chingi kwa mndungi; ela sena wandu wose weenisua.

JEREMIA 15:20

Nichakubonya kukaie sa wurigha ghwa ngome ghwa shaba kwa wandu awa; wichalwa na oho, nawo ndewichaakusima, kwa kukaia ini neko chiaimweri na oho nipate kukukira na kukuvuvua.

JEREMIA 17:16

Jingi sikushingirie kuwiredie mawiwi, hata serekundieghe ijo ituku ja mawiwi; oho kwamanya. Ijo nidedie jeko worinyi imbiri kwako.

JEREMIA 18:23

Njama rawo renibwagha kwariichi putu ee BWANA; kusakewilekia kiwiwi chawo, hata kusakeivuta kaung'a yawo mesonyi kwako. Kuwichee ngelo ya machu ghako, kuwikumbe noko wifume kwako.”

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 20:12

Ee BWANA wa majeshi, oho kuwitimagha wahachi; oho kuwonagha ngolo na nia, kunineke kuwona kukilipa kisasi chako aighu yawo, angu nakusaghika kwako.

JEREMIA 20:8

Kula ngelo nidedagha nawuyalila, ngikema, “Makorongo na kunoneka!” Kwa huwo uko kujighora ilagho ja BWANA, kwaniredia masholio na matiriro dime dii.

KILILO CHA JEREMIA 3:64

“Kuwikabe kwa wundu ghwa agho wighibonyagha ee BWANA.

KILILO CHA JEREMIA 3:66

Kuwinughe na kuwiinja wurumwengunyi, ee BWANA.”

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 19:29

Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala.

LUKA 21:17

Wandu wose wichazamilwa ni inyo kwa wundu ghwa irina japo.

WAROMA 12:19

Wakundwa, jingi mselipie ngenga, ela msighie machu gha Mlungu wulalo; angu yaandikilo, “Ngenga ni yapo, ini nichalipa; waghamba Bwana.”

WAROMA 8:35

Nani uchaaditanya na lukundo lwa Kristo? Ni matiriro, angu wasi, angu kutirirwa, angu njala, angu zuna, angu ndengwa, angu kubwaghwa?

2 WAKORINTHO 5:11

Kwa huwo, isi dikimanya kuja kuobua kwa Mlungu seji kuko, dawishingira wandu; ela seji diko, Mlungu waichi; nani nasuwiria hata nia renyu wori radiichi.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WATANYI 16:28

Niko Samsoni ukammbanga BWANA ukaghamba, “Ee BWANA Mlungu, kunikumbuke; nakulomba kunichure ndighi iji indo jimweri tu; nakulomba ee Mlungu, nipate kulipa kisasi kwa awa Wafilisti, kwa wundu ghwa meso ghapo awi.”