JEREMIA 14:9 - Biblia Ilagho Jiboie Kwa Wandu Wose

⁹ Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”

JEREMIA 14:9 Խաչաձեւ Հղումներ

2 MALAGHO GHA NGELO 7:14

wandu wapo winitasagha wikakusera na kulomba, wikinilola na kuhea mawiwi ghawo, nichasikira aighu mlungunyi, na kuwifuya wughoma kaung'a yawo, na kujibonya isanga jawo jikaie nicha.

ZABURI 10:1

Kwaki kwakaia kula ee BWANA? Kwaki kukuvisagha ingelo ya wasi?

ZABURI 27:9

kusakekuvisa nisekuwone.” Kusakeniwinga kwa machu mdumiki wako, oho kudue mtesia wapo. Kusakenida, kusakenisigha, ee Mlungu Mkiri wapo.

ZABURI 46:5

Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 59:1

Olenyi mkonu ghwa BWANA ndeghupungue ghusedimagha kukira, hata madu ghake ndeghiriwie wei ghilemo ni kusikira;

ISAYA 63:19

Dakaia sa wandu jingi diserekoghe aisi ya nguma rako, dakaia sa wandu jingi disewangilo wandu wako.

JEREMIA 15:16

Nereghiwonieghe malagho ghako ngaghija, ghikawuya iseko na kuboilwa ngolonyi kwapo; angu niwangilo kwa irina jako ee BWANA Mlungu wa majeshi.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

KILILO CHA JEREMIA 5:20

Kwaki kudiliwie luma huwu? Kwaki kudisighie?

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

HABAKUKI 1:2

Ee BWANA, nilila ngilola wutesia kufuma kwako hata lii? Dilila hata lii ima kuchedikira na makorongo?

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

MITALO 11:23

BWANA ukamzera Musa, “Welee, ndighi ra BWANA reeka ndini? Idana kuchawona ngera malagho ghapo ndeghiwuyaa loli.”

MABONYO GHA WADUMI 15:17

Eri wandu wisigharikie wimlole Bwana, na wandu wose wa mbari zima, wiwangilo kwa irina japo,

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WUKUMBUSO 23:14

Kwa kukaia BWANA Mlungu wako wadasela aghadi ya kambi yako, kukukira na kukubonya kuwisime wamaiza wako, suti kambi yako ikaie ielie; usechewona kindo chingi chiseboie aghadi yako, na kukusigha.

WUKUMBUSO 28:10

Na wandu wose wa ndoenyi wichawona angu BWANA wakusaghue kukaie wake, nawo wichakuobua.

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.