JEREMIA 14:19 - Biblia Ilagho Jiboie Kwa Wandu Wose

¹⁹ BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 14:19 Խաչաձեւ Հղումներ

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

AYUBU 30:26

Ela iji neresuwirieghe mecha, neechapatwa ni mawiwi; na iji neresuwirieghe mwengere neechawona kira.

ZABURI 78:59

Mlungu uendawona huwo, ukazamilwa nandighi; nao ukamlegha Israeli putu.

ZABURI 89:38

Ela idana kwam'bonyera machu Msaghulwa wako, kukamlegha na kummbinga noko.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

JEREMIA 12:7

BWANA waghamba, “Namerie kumsigha Israeli, namerie kusigha wandu wapo. Namerie kumngira mkundwa wapo wa ngolonyi, mikonunyi kwa wamaiza wake.

JEREMIA 12:8

Wasaghulwa wapo wamerie kunighaluka, wikawuya sa shimba iko kilembenyi; Waawuyaniborosokia, kwa huwo na ini wanizamia.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JEREMIA 15:18

Kwaki luwawo lwapo lusesiagha na chonda chapo chiseboagha? Welee, kuchawuya sa kamoda ka tee kwapo, kara kara na machi ghiomagha?”

JEREMIA 30:12

BWANA waghamba, “Kushoghonoka konyu ndekuchaaboa jingi, na chonda chenyu chazamie.

JEREMIA 30:13

Ndekuwadie mndungi otesia maza renyu, na wughanga ghwa chonda chenyu ndeghuko, ndeidimikagha m'boo.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

JEREMIA 6:30

Wichawangwa feza isena kazi angu ini BWANA nimerie kuwilegha.”

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

KILILO CHA JEREMIA 2:22

Kwakaribishire kiture cha kwapo seji kukaribishagha wandu ndimenyi. Ndekuwadie mndungi ufufunukie ituku kujokelo ni machu. Wabwaghie wana wapo aweni niwilelie kwa lukundo.

KILILO CHA JEREMIA 4:17

Dazighanire dikisuwiria kupata wutesia hata meso ghedu ghikasera kira; ela ndedicheeghupata jingi.

KILILO CHA JEREMIA 5:22

Da loli koodilegha putu? Koozamilwa ni isi putu?

MIKA 1:12

Wandu wa Marothi waawuyawesera kupata mecha kwa bea mbaa; kwa kukaia BWANA wawiredia mawiwi kaavui na Jerusalemu.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.