JEREMIA 14:15 - Biblia Ilagho Jiboie Kwa Wandu Wose

¹⁵ Kwa huwo ini BWANA naghora huwu aighu ya walodi awo wilodagha kwa irina japo nisewidumie, wikighora wei ‘Iji isanga ndejichaachelwa ni kifwa cha lufu na njala;’ awo weni wichabwaghwa kwa lufu na njala.

JEREMIA 14:15 Խաչաձեւ Հղումներ

EZEKIELI 14:10

Na ikabo jawo jichakaia aighu yawo weni. Ikabo ja mlodi na ikabo ja uo mundu oremchieghe kulola njama, jichakaia karakara;

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

AMOSI 7:17

Kwa wundu ugho BWANA wakuzera oho Amazia, ‘Mkako uchawuya ilaya andenyi ya muzi, wana wako wa womi na wa waka wichabwaghwa wudenyi. Isanga jako jichapimwa kwa kamba na kuwaghilwa wandu wazima. Oho kumoni kuchafwa andenyi ya isanga ja wusezinyi; na loli wandu wa Israeli wichadwalwa wunyika kufuma iji isanga.’”

JEREMIA 20:6

Na oho Pashuri chiaimweri na wose wikaiagha nyumbenyi kwako, mchadwalwa wunyika cha Babuloni; kuchaghenda na kufuya aho, kurikilo aho, chiaimweri na waghenyi wako awo kwawilodera tee.’”

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

1 WAZURI 22:25

Mikaia ukaghamba, “Oho kuchamanya jija ituku kuchaakimbia kukuvise andenyi ya chumba cha ndenyi.”

JEREMIA 23:30

Ini sikwanye na awo walodi wiiwianagha malagho ghapo weni na weni.

JEREMIA 27:15

BWANA ooghora ndewidumie kungi, ela waawuyamfunyira wulodi ghwa tee kwa irina jake; na ii chia malagho ghake ghiakatia agho umzerie uchammbinga noko, nenyo mchatota chiaimweri na awo walodi wawuyamfunyira wulodi.”

KILILO CHA JEREMIA 1:19

“Nawangie wangara wapo wikalegha kunitesia; wakohani na vilongozi wafue mzinyi achienyi wikilola vindo vewiwika moyo.

KILILO CHA JEREMIA 2:20

Zighana ee BWANA kupime: Kwabonyere mndungi huwu jingi? Ni hachi waka wije wana wawo aweni werewilindiagha? Welee, ni hachi wakohani na walodi wibwagho andenyi ya Hekalu yako?

EZEKIELI 13:14

Nani nichaghuchikanya ugho wurigha moreghushingieghe chokaa na kughusasara andoenyi, eri msingi ghwaro ghusigho mduu; na iji ghwameria kughwa, inyo mchatoteshwa aghadi yaro, nenyo mchamanya kukaia ini ne BWANA.

EZEKIELI 14:9

“Mlodi ukakalikia, nao ufunye wulodi ghwa tee, mmanye ni ini namkalia; nani nichamkaba na kumuinja aghadi ya wandu wapo Israeli.

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

WUKUMBUSO 18:20

Ela uo mlodi ukubonyagha moni kughora ilagho japo nisemdumie, angu kughora kwa irina ja milungu mizima, suti ufo.’

JEREMIA 8:13

“Ngelo nichaawitumbanya wandu wapo wichakaia sa mzabibu ghusewadie zabibu, na sa mtini ghusewadie tini; na mbashu raro richakaia riomie, na icho nerewinekieghe, wichasokwa.”

EZEKIELI 13:9

Nichawikaba walodi wiwonagha mawono gha tee, na kulaghua malagho gha tee; ndewichaakaia andenyi ya njama ra wandu wapo, hata ndewichaandikwa andenyi ya chuo cha wandu wa Israeli, angu kungia andenyi ya isanga ja Israeli; nenyo mchamanya kukaia Ini ne Bwana MLUNGU.

EZEKIELI 13:15

Huwo niko nichaaghikatisha machu ghapo aighu ya ugho wurigha, na aighu ya awo wandu wereghushingagha chokaa kisha-kisha; nani nichamzera inyo: Ugho wurigha ndeghuko, na awo wereghushingagha chokaa wori ndewiko.

EZEKIELI 33:6

Ela mlindiri ukawona m'maiza ukicha, nao ulemo ni kukaba tarumbeta emanyisha wandu, mndumu wadima kutota. Uja mundu uchafwa kwa wundu ghwa ikosa jake loli, ela bagha yake nichaikotia kwa uja mlindiri.