JAKOBO 4:12 - Biblia Ilagho Jiboie Kwa Wandu Wose

¹² Mfunyi Sharia na mtanyi ni umweri; nao nuo udimagha kukira na kutotesha. Ela oho koko ani kudimagha kumtanya mmbenyu?

JAKOBO 4:12 Խաչաձեւ Հղումներ

AYUBU 38:2

“Oho nani kukotiagha hikima yapo kwa malagho gha duu ghiseeliagha?

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

WAROMA 14:13

Kwa wundu ughu disighe kutanyana diweni na diweni, ela bora ditanye huwu: Mndungi usemmbikie mruna ikuwaro angu kighirio chingi chemghusha.

WAROMA 14:4

Ko ani oho kumtanyagha mdumiki wa wandu? M'baa wake moni nuo umanyagha ngera udima kumanga angu ngera ualemwa. Nao wadima kumanga; angu Bwana oko nandighi remdimisha.

WAROMA 2:1

Kwa huwo ndekuwadie ilagho jingi jekudederia ee mdamu, hata ngera koko ani, iji kwamtanya mzima; angu kwa kumtanya, kwaakutanya kumoni; kwa kukaia oho kutanyagha kwadabonya maza iro reni.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

JAKOBO 5:9

Msakezughunukiana mmbeni na mmbeni wanidu, mchetanywa. Olenyi Mtanyi oko kimusi minyangonyi.

1 SAMUELI 25:10

Niko Nabali ukawitumbulia, “Daudi nani, na uo mwana wa Jese nani? Matuku agha wadumiki wengi wawuyawikimbia weke bwana wawo.