ISAYA 9:15 - Biblia Ilagho Jiboie Kwa Wandu Wose

¹⁵ Mghosi unekelo ishima nuo chongo, na mlodi ulodagha malagho gha tee nuo mkomba.

ISAYA 9:15 Խաչաձեւ Հղումներ

1 WAZURI 13:18

Niko uja mlodi wa kala ufumie Betheli ukamzera “Ini wori ne mlodi sa oho; malaika wadedanya nani kwa ilagho ja BWANA ukinizera nikudo nyumbenyi kwapo kuje vindo.” Ela odemkalia.

AYUBU 22:8

Kwatumie ndighi kukawusa isanga, kukajikaia oho mundu kunekelo ishima.

ISAYA 19:15

Misri ndeichaadima kubonya ilagho jingi, ikaiagha ni kilongozi angu muisanga; mundu m'baa angu mundu mtini.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 28:17

Nichaibonya loli kukaia kamba epimia na hachi ikaie timazi. Vua ya magho ichainja iyo tee mwawuyaisuwiria, na machi ghichadwa agho mwawuyaghisuwiria.”

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

ISAYA 43:27

Ndeyo wa imbiri odebonya kaung'a na wadederii wako wikanikosera.

ISAYA 5:13

Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 23:9

Nafwa ngolo andenyi kwapo, maindi ghapo ghose ghaawuyasughusika; nakaia sa mmbongeri wasirwa ndighi ni chofi kwa wundu ghwa BWANA na kwa wundu ghwa malagho ghake ghielie.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

HOSEA 9:8

Mlungu ooniduma nikaie mlodi owionya wandu wake Israeli. Elaima kula andu nawuyaghenda mwawuyanideghia midegho sa nyonyi. Wandu waawuyanibonya m'maiza andenyi ya Hekalu icheni ya Mlungu.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

1 SAMUELI 9:6

Ela uja mdumiki ukaghamba, “Ola mundu wa Mlungu umu oko andenyi ya ughu muzi; ni mundu unekelo ishima, na malagho ghose ughoragha ghadawuya gha loli. Nndoko dighende kwake; kewada wadima kudighoria maza ra ichi charo chedu.”