ISAYA 65:9 - Biblia Ilagho Jiboie Kwa Wandu Wose

⁹ Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

ISAYA 65:9 Խաչաձեւ Հղումներ

ISAYA 27:6

Matuku ghichagha, kivalwa cha Jakobo chichamanga, wandu wa Israeli wichawona nicha na kubara mbashu, hata wurumwengu ghose ghuchulo ni matunda ghake.

ISAYA 30:19

Inyo wandu wa Sioni, mkaiagha Jerusalemu, ndemchaalila sena. Kwa kukaia Mlungu uchakaia na wughoma aighu enyu loli. Iji mwamkemia umtesie, uchamsikira na kumtumbulia.

ISAYA 32:18

Wandu wapo wichakaia nicha isangenyi, na nyumba rawo richakaia na sere, andu kuhorie kwa kima.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

ISAYA 65:22

Ndewichaagha nyumba nao riwuekailwa ni wandu wazima, hata ndewichaawa viro na vindo varo vijigho ni wandu wazima. Wandu wapo wichadua moyo miaka mingi sa midi, na wasaghulwa wapo wichaboilwa luma ni kazi ra mikonu yawo.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

ZEFANIA 3:20

Ngelo iyo nichawiwunja mzinyi awo weresaghisiroghe; nicham'bonya mmboneke wa ishima wurumwengunyi kose, nicham'bonya mkaie nicha sena.” Ini BWANA naghamba.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

WAROMA 11:28

Kunughana na Ilagho Jiboie, Wayahudi wakaia wamaiza wa Mlungu, kwa wundu ghonyu inyo wandu wa mbari zima; ela kunughana na kusaghulwa, awo wakaia wakundwa kwa wundu ghwa weke wawa wawo.