ISAYA 65:16 - Biblia Ilagho Jiboie Kwa Wandu Wose

¹⁶ Eri uo mundu ose ukundagha irasimio isangenyi, ujipate kwa Mlungu wa loli, na uo ose ubonyagha ighemi isangenyi, ujibonye kwa Mlungu wa loli. Kwa kukaia wasi ghwa kala ghwameria kuliwika, na kusoweka putu imbiri kwapo.”

ISAYA 65:16 Խաչաձեւ Հղումներ

AYUBU 11:16

Kuchaliwa wasi ghwako, na kughukumbuka sa machi ghameria kuida.

ZABURI 31:5

Nakuwika mikonunyi kwako; oho kwanikombue ee BWANA, Mlungu wa loli.

ZABURI 63:11

Ela mzuri uchaboilwa andenyi ya Mlungu, na awo wibonyagha maghemi kwa irina jake, wichamkasa; ela memu ya watee ichanyamirishwa.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

KUFUMA 34:6

Niko BWANA ukaida imbiri kwake ukaghamba, “Ini BWANA, ne Mlungu uchuagha wughoma, mmboa obonya machu, uchuagha lukundo na wuloli.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 19:18

Ngelo iyo ikavika, kuchakaia na mizi misanu andenyi ya isanga ja Misri idedagha Kikanaani. Wichabonya ighemi kukaia waloli kwa BWANA wa majeshi. Muzi ghumu ghwa iyo ghuchawangwa Muzi ghwa Iruwa.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 12:11

Kufuma ija ngelo vizongona va matuku ghose vichaaghirilwa kufunywa, na uja Mmbiwi Mnoni kuwikwa, kuchakaia na matuku elfu imweri, maghana awi, mirongo ikenda.

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAROMA 14:11

angu yaandikilo, “Sa iji niko moyo, waghamba Bwana, kula ngokoro ichadungwa imbiri kwapo; na kula mundu uchamkasa Mlungu.”

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.