ISAYA 64:5 - Biblia Ilagho Jiboie Kwa Wandu Wose

⁵ Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

ISAYA 64:5 Խաչաձեւ Հղումներ

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

ZABURI 25:10

BWANA wadawilongoza awo wijiwadiagha ilaghano jake, na kuinugha memu yake kwa lukundo lukatie na wuloli.

ZABURI 37:4

Boilwa andenyi ya BWANA, nao uchakukatishira bea ya ngolo yako.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

KUFUMA 25:22

Nani nichakwana nakumoni ghadi na ghadi ya iro fwana ra makerubi iwi, riko aighu ya Sanduku ya Ilaghano, na kukuneka agho malaghiro gha wandu wa Israeli.

KUFUMA 30:6

Iyo madhabahu kuiwike shighadi ya pazia, iyo iko naimbiri ya Sanduku ya Ilaghano. Aho niko nichaakwania na oho.

ISAYA 1:30

Kwa kukaia mchakaia sa mualoni ghuomagha malemba, kara kara na mbuwa isewadie machi.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 27:8

Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

ZEKARIA 3:3

Joshua orekoghe ukikaia kimusi imbiri ya malaika urwae nguwo rilue.

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

MABONYO GHA WADUMI 10:35

ela mundu uo ose wa kula mbari umuobuagha uo, na kubonya agho ghiko gha hachi, wadamrumiria.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.