ISAYA 63:4 - Biblia Ilagho Jiboie Kwa Wandu Wose

⁴ Kwa kukaia ituku ja kuluya lugho jerekoghe ngolonyi kwapo, na mwaka ghwa kuwikombua wandu wapo ghwameria kuvika.

ISAYA 63:4 Խաչաձեւ Հղումներ

ZABURI 107:2

Wurienyi agho malagho ghemkasa BWANA; inyo mmbose mkirilo ni BWANA. Wamvuvue kufuma kwa wamaiza wenyu

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 1:27

Jerusalemu ichakombolwa kwa hachi, na awo wose wiheagha andenyi yaro wichakombolwa ni BWANA loli.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 13:9

Ola ituku ja BWANA jaawuyacha, ijo ituku jizamie ja machu ghake ghibirie, upate kuibonya ndoe isigho nduu, na kuwitotesha awo wakaung'a wiko andenyi yaro.

ISAYA 34:8

Kwa kukaia BWANA wawikie ituku na mwaka gholipia kisasi, kwa wundu ghwa wandu wake wikaiagha Jerusalemu.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 35:9

Shimba ndeichaawoneka aho, hata nyamandu ibirie ndeichaakaia aho anduangi hata kuwoneka koni nderichaawoneka, ela awo wandu wikombolo wichaghenda na iyo chia.

ISAYA 47:3

Kuchashanakulwa nguwo rako kusigho duu, na wandu wichaghuwona wuduu ghwako. Nichalipa kisasi hata sichaasigha mndungi.”

ISAYA 52:3

BWANA waghamba huwu: “Modeuzwa kuseko na ighuri, nenyo mchakombolwa kuseko na malipo ghangi.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

JEREMIA 50:15

Kemenyi ngemi ya wuda mzinyi kose kwa kukaia wandu waro wamerie kukufunya, na mawurigha gha muzi ghwawo ghwamerie kuwuduka; angu icho ni kisasi chapo ini BWANA nawuyachilipa. Lipenyi kisasi aighu ya ugho muzi kunughana na mabonyo ghake ubonyere wazima.

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

EZEKIELI 25:14

Nani nichalipa ngenga aighu ya Edomu kwa kuwitumia wandu wapo Israeli, nawo wichawikaba Waedomu kunughana na machu ghapo, nawo wichamanya ngenga yapo, ini Bwana MLUNGU naghamba.”

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”