ISAYA 62:9 - Biblia Ilagho Jiboie Kwa Wandu Wose

⁹ Ela awo wandu weni werevikuwidireghe wichaja vindo varo na kunikasa ini BWANA; na awo wereriwaieghe zabibu wichanywa divei yaro wazenyi kwa Andu kwapo kwa Wueli.”

ISAYA 62:9 Խաչաձեւ Հղումներ

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

ISAYA 65:21

Wichaagha nyumba na kukaia andenyi yaro, nawo wichawa mizabibu na kuja matunda gharo.

ISAYA 65:22

Ndewichaagha nyumba nao riwuekailwa ni wandu wazima, hata ndewichaawa viro na vindo varo vijigho ni wandu wazima. Wandu wapo wichadua moyo miaka mingi sa midi, na wasaghulwa wapo wichaboilwa luma ni kazi ra mikonu yawo.

JEREMIA 31:5

Mchawa mizabibu sena aighu ya mighondi ya Samaria, na awo wiwagha, wichaboilwa ni matunda gharo.

EZEKIELI 40:14

Wokoni ukapima lukumbi kufuma kondenyi hata wazenyi lumaragha chia rose ukapata meta ikumi.

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

ZEKARIA 3:7

kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo.

WUKUMBUSO 12:12

Nenyo mchaboilwa imbiri ya BWANA Mlungu onyu; chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu uo usewadie ifungu angu ifwa jingi ja isanga chiaimweri nenyo.

WUKUMBUSO 12:7

Aho mchaja imbiri ya BWANA Mlungu onyu, nenyo mchaboilwa chiaimweri na nyumba renyu kwa wundu ghwa agho ghose m'bonyagha, kwa agho BWANA Mlungu onyu umrasimie.

WUKUMBUSO 16:11

M'boilo imbiri ya BWANA Mlungu onyu, chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu, na mghenyi omara-mara, na mwana usewadie ndee, na mka mkiwa uko aghadi konyu, andu BWANA ukusaghue kukaie komtasira.

WUKUMBUSO 16:14

M'boilo ndimenyi chiaimweri na wana wenyu wa womi na wa waka, na wadumiki wenyu wa womi na wa waka, na Mlawi, na mghenyi omara-mara, na mwana usewadie ndee, na muka mkiwa; awo wiko mizinyi konyu.