ISAYA 62:2 - Biblia Ilagho Jiboie Kwa Wandu Wose

² Mbari ra wandu richawona hachi yako, na wazuri wichaghuwona wubaa ghwako; na oho kuchawangwa irina iwishi, jichaaghorwa ni BWANA moni.

ISAYA 62:2 Խաչաձեւ Հղումներ

KUZOYA 17:15

Nao Mlungu ukamzera Abrahamu, “Na muka wako ndekuchaammbanga sena Sarai, ela uchawangwa Sara.

KUZOYA 17:5

Ndekuchaawangwa sena Abramu, ela irina jako kuchawangwa Abrahamu, kwa kukaia nakubonya oho kukaie ndee wa mbari nyingi.

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

ZABURI 98:2

BWANA wamanyisha kukia kwake; wafunukua hachi yake worinyi kwa iro mbari zima.

ISAYA 1:26

Nichawika watanyi wako sa iji koni werekoghe imbiri; na wanjama wako sa iji koni werekoghe; niko kuchawangwa muzi ghwa hachi na muzi ghwa loli ee Jerusalemu.”

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 56:5

irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”

ISAYA 60:11

Minyango yako ichakaia iari ngelo rose, ndeichaarughwa nadime hata nakio anduangi; eri wandu wa iro mbari wipate kukuredia mali, wikilongozwa ni wazuri wawo.

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

MABONYO GHA WADUMI 11:26

nao uendammbona ukamreda Antiokia. Na kwa mwaka ghose mlazi werekoghe wikikwana na ikanisa, wikawifundisha wandu wengi na ndighi; na aho Antiokia, kwa indo ja imbiri, wanughi werezoeghe kuwangwa Wakristo.

MABONYO GHA WADUMI 26:23

seji suti Kristo utiriro, na seji ukikaia wa imbiri kuruka kufuma kwa wafu, uchaawichilia Wayahudi na wandu wa mbari zima mwengere ghwa kukia.”

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.