ISAYA 61:2 - Biblia Ilagho Jiboie Kwa Wandu Wose

² Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 61:2 Խաչաձեւ Հղումներ

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 34:8

Kwa kukaia BWANA wawikie ituku na mwaka gholipia kisasi, kwa wundu ghwa wandu wake wikaiagha Jerusalemu.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 40:1

Wihoreshe! Wihoreshe wandu wapo, waghamba Mlungu onyu.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

ISAYA 57:18

Namerie kuwona mighendo yake, ela nichamkira, na kumlongoza, na kumhoresha;

ISAYA 58:5

Munizera uku ni kufunga tumu nerekusaghueghe ini, wei mundu ukusere kwa wasi na kughoghomesha chongo chake sa lunyasi, na kurwa nguwo ra magunia chiaimweri na kulala ivunyi? Mwadima kughamba uku ni kufunga tumu na ituku nijirumiriagha ini BWANA?

ISAYA 60:10

BWANA waghuzera muzi ghwa Jerusalemu huwu, “Waghenyi wichaagha sena mawurigha ghako, na wazuri wawo wichakudumikia; angu nerekukabieghe kwa machu ghapo, ela kwa kukunda kwapo koni, nerekufueghe wughoma.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

MIKA 3:8

Ela ini neechulwa ni Roho na kudima kwa BWANA, nao wadanineka maghesho gha hachi, na ndighi rewighoria wandu wa Israeli kaung'a rawo.

MATHAYO 5:4

Warasimilwa awo wiko na wasi, angu awo wichahoreshwa.

LUKA 4:19

na kughutangaza mwaka ghwa Bwana ghurumirikie.”

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

2 WAKORINTHO 6:2

Angu waghamba, “Ngelo irumirikie, nerekusikireghe, na kukutesia ituku ja kukia.” Ola idana, ihi niyo ngelo irumirikie; ola idime nijo ituku ja kukia.

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.