ISAYA 60:20 - Biblia Ilagho Jiboie Kwa Wandu Wose

²⁰ Iruwa jako ndejichaaneng'ena, hata mori ghwako ndeghuchaasia; kwa kukaia ini BWANA nichakaia mwengere ghwako ghwa kala na kala, na matuku gha wasi ghwako ghichasia.

ISAYA 60:20 Խաչաձեւ Հղումներ

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 30:19

Inyo wandu wa Sioni, mkaiagha Jerusalemu, ndemchaalila sena. Kwa kukaia Mlungu uchakaia na wughoma aighu enyu loli. Iji mwamkemia umtesie, uchamsikira na kumtumbulia.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 60:1

Wuka ee Jerusalemu kung'ale-ng'ale, angu mwengere ghwako ghwameria kucha; na wubaa ghwa BWANA ghwameria kukaia aighu kwako.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

KILILO CHA JEREMIA 5:21

Diwunje kwako BWANA, diwunje kwako! Diwunjire wubaa ghodu ghwa kala.

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

ZEKARIA 14:7

hata kira. Kuchakaia na mwengere hata nakio. BWANA uekeri nuo uchaamanya maza iri.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”