ISAYA 59:18 - Biblia Ilagho Jiboie Kwa Wandu Wose

¹⁸ Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 59:18 Խաչաձեւ Հղումներ

AYUBU 34:11

Mlungu wadamlipa mundu kunughana na mabonyo ghake; wadam'bonyera kunughana na mighendo yake.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 63:3

“BWANA watumbulia, Narifashire iro mbari ra wandu sa zabibu, hata ndekuwadie mndungi wandunyi orekwanyeghe nani anduangi; narifashire kwa machu ghapo ee, kwa lubio lwapo ngarifasha-fasha; bagha yawo ikatarikia marwao ghapo, nani ngarilusha nguwo rapo putu.

ISAYA 63:6

Nerewifashireghe awo wandu kwa machu ghapo, ngawibara-bara kwa ulo lubio lwapo; ngaidia bagha yawo andoenyi.”

ISAYA 65:6

“Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

ISAYA 66:6

Sikirenyi mrurumo kufuma mzinyi! Ni lwaka lwawuyafuma Hekalunyi; nalo ni lwaka lwa BWANA wawuyaluya lugho aighu ya wamaiza wake.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

JEREMIA 50:15

Kemenyi ngemi ya wuda mzinyi kose kwa kukaia wandu waro wamerie kukufunya, na mawurigha gha muzi ghwawo ghwamerie kuwuduka; angu icho ni kisasi chapo ini BWANA nawuyachilipa. Lipenyi kisasi aighu ya ugho muzi kunughana na mabonyo ghake ubonyere wazima.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 23:49

Na inyo wana wa waka wawi, mchalipwa malipo gha wulaki ghonyu, na kwa wundu ghwa kaung'a renyu retasa milimu; niko mchaamanya kukaia Ini ne Bwana MLUNGU.”

EZEKIELI 38:18

Bwana MLUNGU waghamba, “Ituku Gogu uchaacha kuwikaba wandu wa isanga ja Israeli, machu ghapo ghichawuka.

EZEKIELI 5:13

“Huwo niko machu ghapo ghichaakatia, na kuwonyera lubio lwapo aighu yawo hata nikato; nawo wichamanya kukaia ini BWANA nadaghora na kukatisha kwa wundu ghwa iriso japo, ingelo nakatisha lubio lwapo aighu yawo.

EZEKIELI 6:12

Uo uko kula, uchafwa kwa saka izamie; na uo uko kaavui, uchabwaghwa wudenyi; na uo usigharikie usebonyero ilagho jingi, uchabwaghwa ni njala. Huwo niko nichaameria lubio lwapo aighu yawo.

JOELI 3:4

“Mwawuyakunda kunilipa kwa wundu ghwa kilambo chimu? Ikakaia ni huwo, nichamlipa kwa shwa-shwa mabonyo ghenyu gheni m'bonyere.

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

WAROMA 2:6

Angu Mlungu uchamneka kula mundu karakara na kazi rake.

WUKUMBUSO 32:41

kukaia, nichanoa lufu lwapo lung'alaa-ng'ala na kuwona kukaia hachi yawuyabonywa. Nichalipia kisasi kwa wamaiza wapo, na kuwikaba awo wizamilwagha ni ini.

WUKUMBUSO 7:10

nao ndemkagha kuwikaba na kuwinona awo wizamilwaghwa ni uo.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.