ISAYA 59:10 - Biblia Ilagho Jiboie Kwa Wandu Wose

¹⁰ Dawuyaadada wurigha sa vitungure, na sa wandu wisewadie meso. Diakuwa na dime ghadi seji daawuyaghenda nakio, nesi dawoneka sa wafu aghadi ya wandu wiwadie ndighi.

ISAYA 59:10 Խաչաձեւ Հղումներ

AYUBU 5:14

Waserelwa ni kira nadime, nawo waadada-adada dimeghadi seji ni kio.

MAKATANISHO 4:19

Chia ya wawiwi ni sa kira cha ndindi; ndewimanyagha niki chawikuwisha.

ISAYA 28:13

Kwa wundu ugho ilagho ja BWANA jichakaia konyu. Sharia aighu ya sharia, na msitari aighu ya msitari; katini aha na katini aja; mpate kughenda na kughwa, mchike, mmbwado ni mdegho na kudwalwa wunyika.

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

ISAYA 8:15

Wengi wichakuwa kwa ijo igho, wichaghwa na kuchika-chika, nawo wichawadwa na kudwalwa.”

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

KILILO CHA JEREMIA 3:6

Wanibonyere kukaia andenyi ya kira sa mundu ufue kokala.

KILILO CHA JEREMIA 4:14

Vilongozi vake verekoghe vikimara-mara achienyi sa vitungure, wakushingie bagha loli loli mndungi usedimagha kuwiadada.

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

MIKA 3:6

“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.”

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

WUKUMBUSO 28:29

na oho kuchalaghalwa ni chia dimeghadi sa kitungure, hata maza rako nderichaakaia nicha; sena kuchakorongwa na kusokwa kari kose, hata ndekuchaakaia na mndungi okutesia anduangi.

1 JOHANE 2:11

Ela uo uzamilwaghwa ni mruna, wadakaia kirenyi, nao wadaghenda kirenyi, hata ndemanyagha andu ughendagha, angu kira chamerie kum'bwagha meso.