ISAYA 58:3 - Biblia Ilagho Jiboie Kwa Wandu Wose

³ Wandu wakotia BWANA, “Kwaki difungie tumu sena kusewonagha? Kwaki dakusera na ndighi huwu, na oho ndekutalie ilagho ijo?” Na BWANA wawitumbulia huwu, “Olenyi mwadakuboia mmbeni ngelo yenyu efunga tumu, na kuwikoronga wabonyi kazi wenyu.

ISAYA 58:3 Խաչաձեւ Հղումներ

EZRA 8:21

Niko ngatangaza difunge tumu kaavui na Moda ghwa Ahava eri dipate kukusera imbiri ya Mlungu, na kumlomba udilongoze nicha chienyi na kudilindia isi na wana wedu na vilambo vedu vose.

NEHEMIA 5:7

ngakata shauri ebonya ilagho. Ngawirasha vilongozi na wabaa wa wandu ngighamba, “Inyo mwaawuyawikoronga wanyinyu.” Ngaghamba mwandu ghwa wandu wose ghuzighane agho malagho

AYUBU 34:9

ughambagha ‘Ndeiko fwaida ingi enugha lukundo lwa Mlungu.’

ZABURI 69:10

Iji nerelilieghe ngifunga tumu, neresholeloghe ni wandu.

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

WALAWI 16:29

“Ihi niyo sharia enugha matuku ghenyu ghose ghichagha: Ituku ja ikumi ja mori ghwa mfungade, Waisraeli wose, na waghenyi wose mkwanye, mchafunga tumu; ndemchaabonya kazi ingi.

WALAWI 16:31

Ituku ijo jichakaia jielie na ndighi konyu, nenyo mchafunga tumu na kuhora; msebonye kazi ingi. Sharia ihi ichanughwa matuku ghose ghichagha.

WALAWI 23:27

“Ituku ja ikumi ja mori ghwa mfungade ichakaia ni ituku ja mapatano, nenyo m'bonye ikwanyiko ja wutasi. Mfunge tumu na kufunya kizongona cha vindo kwa BWANA.

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

MITALO 23:4

BWANA ukakwana na Balaamu, na Balaamu ukamzera, “Nameria kuboisa madhabahu mfungade, na kufunya njau imweri na bauru imweri aighu ya kula madhabahu.”

LUKA 15:29

Ela ukamtumbulia ndee ukaghamba, ‘Zighana miaka yose ihi nakudumikia na jingi sikosere momu ghwako anduangi, ela jingi ndekuninekie hata ndaghina cheni nibonye maseko na waghenyi wapo.