ISAYA 57:4 - Biblia Ilagho Jiboie Kwa Wandu Wose

⁴ Nani mwawuyamsarighia? Nani mwawuyamuasamia na kumfunyira chumi? Welee, inyo si wana wa makosa, kivalwa cheghora tee?

ISAYA 57:4 Խաչաձեւ Հղումներ

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

ZABURI 22:13

waniasamia memu yawo sa shimba irurumagha, ikunde kunirashua.

ZABURI 22:17

Nafumwa ni maindi, ghadima kutalika ghose; wanizighana na kunikuya meso;

ZABURI 22:7

Wandu wose winiwonagha, wianizoma; wanikuchira memu na kusughusa vongo vawo wikighamba,

ZABURI 35:21

Waniasamia memu yawo wikighamba, “Aa! Aa! Dawona diweni na meso ghedu.”

ZABURI 69:12

Nadadedwa ni wandu wiseagha kidombo mwandunyi, na wawongeri wadanidunga chumbo rizamie.

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 10:15

Ela Mlungu waghora huwu: “Welee, isoka jadima kukukasa aighu ya uo mundu ujitumiagha? Angu msumeno ghwadima kukujosa aighu ya mundu wawuyabara nagho? Sa kughamba zobo yadima kumdwa uo mundu uko nayo, angu mzata kumduka uo mundu ughudwagha!”

ISAYA 30:1

BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 37:29

Oho kwawuyakaia na makai nani, na kukukasa kwako nakusikire, nichangira koleo mbuonyi kwako, na lijamu momunyi kwako, nani nichakughalua kuwurie ija chia cheni korechieghe.’”

ISAYA 48:8

Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

JEREMIA 20:8

Kula ngelo nidedagha nawuyalila, ngikema, “Makorongo na kunoneka!” Kwa huwo uko kujighora ilagho ja BWANA, kwaniredia masholio na matiriro dime dii.

EZEKIELI 2:4

Wokoni awa ni wandu wishughunukie, sena wighilikie. Ini naawuyakuduma kwa awo wandu, na oho kuchawizera, ‘Bwana MLUNGU waghamba huwu,’

HOSEA 10:9

BWANA waghamba, “Wandu wa Israeli ndewisighie kunibonyera kaung'a kufuma ngelo ija werebonyereghe kaung'a aja Gibea. Kwa huwo wuda ghuchawibukia aeni aho Gibea.

MITALO 16:11

Inyo mmanye mwaawuyalwa na BWANA; kwani Haruni nani, mumzughunukiagha?”

MATHAYO 13:38

mbuwa ni wurumwengu. Mbeu ndicha ni wana wa ugho wuzuri. Isaka jifwanane na ngano ni wana wa uo Mmbiwi;

MATHAYO 27:29

sena wikaluka kirumbu cha minjwa, wikammbikiria chongonyi kwake, wikamneka mrangi uwadie kwa mkonu ghwake ghwa kiwomi; wikamdungia ngokoro na kumseka wikighamba, “Dua moyo Mzuri wa Wayahudi!”

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WAKOLOSAI 3:6

kwa wundu ghwa agho, machu gha Mlungu ghaawuyacha aighu ya awo wisesikiragha.

JOSHUA 10:21

wandu wose wa Israeli wikawuya banana kwa Joshua aja kambinyi ya Makeda; na mndungi nderedimieghe kughora ilagho jingi sena aighu ya wandu wa Israeli.

2 PETRO 2:13

na kupata matiriro kwa wundu ghwa mabonyo ghawo ghizamie. Wadaboilwa ni kubonya karamu ra lwafuo nadime. Wachua maboli na makosa, nawo wareda maza ra waya iji warangana nenyo karamunyi konyu.