ISAYA 55:7 - Biblia Ilagho Jiboie Kwa Wandu Wose

⁷ uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 55:7 Խաչաձեւ Հղումներ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

2 MALAGHO GHA NGELO 15:4

ela iji wamghalukia BWANA Mlungu wa Israeli kwa wasi ghwawo, na kumlola, wikammbona.

2 MALAGHO GHA NGELO 30:6

Niko wadumwa wikaghenda andu kose Israeli na Juda, wiko na barua rafuma kwa mzuri, na wanjama wake; riandikilo malaghiro gha mzuri huwu: “Ee wandu wa Israeli, wuyenyi kwa BWANA, uo Mlungu wa Abrahamu, Isaaka, na Israeli eri upate kummburia inyo wandu msigharikie na kufufunuka mikonunyi kwa wazuri wa Ashuru.

2 MALAGHO GHA NGELO 33:13

Ukamlomba Mlungu nao ukamsikira kuvoya kwake; ukasikira malombi ghake, na kummbunja sena Jerusalemu wuzurinyi kwake. Niko Manase ukamanya angu BWANA ni Mlungu.

2 MALAGHO GHA NGELO 7:14

wandu wapo winitasagha wikakusera na kulomba, wikinilola na kuhea mawiwi ghawo, nichasikira aighu mlungunyi, na kuwifuya wughoma kaung'a yawo, na kujibonya isanga jawo jikaie nicha.

AYUBU 22:23

Mmburie Uo-Uwadie-Ndighi-Rose, kukusere; kuinje wuwiwi ghwawuyabonywa nyumbenyi kwako.

ZABURI 130:4

Ela kwadadifuya wughoma, dipate kukuobua oho.

ZABURI 130:7

Ee Israeli, mrumirie BWANA, angu oko na lukundo lukatie nao toe wadakunda kukira.

ZABURI 51:1

Kunifuye wughoma ee Mlungu, kunughana na lukundo lwako lukatie; kuniinjire makosa ghapo, kunughana na wungi ghwa wughoma ghwako.

ZABURI 66:18

Ngera nedeghesha kiwiwi chingi ngolonyi, BWANA nderenisikiragha anduangi.

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

ISAYA 1:19

Mkarumiria na kunisikira, mchaja mecha gha isanga;

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 21:12

Mlindiri watumbulia, “Ndoe yaawuyaela, ela kio chichacha sena. Ngera kwakunde kukotia sena, wuya kukotie.”

ISAYA 31:6

Mmburienyi Mlungu uo mumleghie nandighi ee wandu wa Israeli.

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

ISAYA 40:2

Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 54:10

Mighondi mibaa na mitini yadima kuinjwa, ela lukundo lwapo lukatie ndeluchaainjwa kwako, na ilaghano japo ja sere sichaajiinja. Naghamba ini BWANA, uo ukuwoniagha wughoma.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

JEREMIA 3:14

“Wuyenyi ee wandu mseko na wuloli, angu ini ne Bwana onyu, nichammbwada umweri kufuma mzinyi, na wawi kufuma kinyumba chimweri, nani nichamreda Jerusalemu.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

KILILO CHA JEREMIA 3:40

Ndediripime na kuritima chia redu; dimmburie BWANA.

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

JONA 3:10

Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

MARKO 7:21

Angu kufuma kondenyi kwa ngolo ra wandu, ghadafuma maririkanyo ghizamie, kulaka,

MARKO 7:23

Iri maza rizamie rose radafuma andenyi, naro radamlusha mundu.”

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 15:24

Angu uhu mwanwapo orekoghe ufue, nao hoyu oko moyo; orekoghe ulagharie, nao hoyu wawoneka.’ Wikazoya kuja na kubonya maseko.

LUKA 7:47

Kwa huwu nakuzera, walekwa kaung'a rake nyingi, angu wawonyera lukundo lubaa; ela uhu ulekelwagha katini, wadakunda katini wokoni.”

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

JAKOBO 1:15

Iji bea yapata kifu, yadava kaung'a; na kaung'a ikazoghua putu, yadareda kifwa.