ISAYA 55:5 - Biblia Ilagho Jiboie Kwa Wandu Wose

⁵ Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 55:5 Խաչաձեւ Հղումներ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 SAMUELI 22:44

“Oho kwanikirie na nganyi ra wandu wapo, kukaniwika nikaie kilongozi cha mbari ra wandu; hata nawuyadumikilwa ni wandu niserewimanyireghe.

ZABURI 18:43

Kwanikirie nisesimane na wandu, kukaniwika nikaie m'baa wa mbari ra wandu; wandu niserewiichighi wikanidumikia.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

ISAYA 49:12

Olenyi wandu awa wichacha kufuma kula, wichafuma kaskazinyi na magharibi; na wamu kufuma Sinimu.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 52:15

Kwa huwo uchawishinua wandu wa mbari nyingi, na wazuri wichanyama kima kwa wundu ghwake; angu wichawona iro maza wisereghoreloghe, na kuritambua iro maza wisererisikireghe anduangi.”

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 60:5

Niko oho kuchawona na kuelwa ni ngolo, ngolo yako ichakaia na iseko na kuboilwa; kwa kukaia kucharedelwa mali nyingi kwa chia ya bahari, mali ra wandu wa iro mbari richaredwa kwako.

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

EZEKIELI 39:7

Na irina japo ja wueli nichajimanyisha aghadi ya wandu wapo Israeli; hata sichaasigha irina japo jilusho sena, na iro mbari ra wandu wichamanya kukaia ini ne BWANA, uo Mweli wa Israeli.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

LUKA 24:26

Welee, ndeeremfwanieghe Kristo kutirirwa maza iri na kungia kwa wubaa ghwake?”

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

MABONYO GHA WADUMI 3:13

Mlungu wa Abrahamu, Isaaka, na Jakobo; Mlungu wa weke aba wedu, wamneka wubaa mdumiki wake Jesu uo moremfunyireghe na kumlegha imbiri ya Pilato; iji orekundeghe kumfungua.

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

WAROMA 15:20

Bea yapo mbaa ni kujichila Ilagho Jiboie andu Kristo usesikirikie eri nisecheagha aighu ya msingi ghwa mundu mzima;

WAEFESO 2:11

Kwa huwu, kumbukenyi inyo morekoghe wandu wa mbari zima kimumbi, mkiwangwa wandu wiseshamishiro ni awo wiwangwagha wandu wishamishiro; uko kushamishwa kwa mumbi kubonyero kwa mikonu,

WAEFESO 3:5

Nayo ndeeremanyishiroghe wandu wa vivalwa vizima, seji imanyishiro idana kwa wadumi na walodi wake wielie, kwa chia ya uo Roho Mweli;

WAEBRANIA 5:5

Huwo koni, Kristo nderewusireghe ijo ishima jebonywa Mkohani M'baa kwa kukujosa moni anduangi, ela orewikiloghe ni Mlungu uo oremzerieghe, “Oho ko Mwana wapo nakuva idime.”

1 PETRO 1:11

Wikakotia ngera ni mnduki, angu ni ngelo iao erewonyeroghe ni Roho wa Kristo orekoghe andenyi kwawo, iji werezoeghe kuwona uko kutirirwa kwa Kristo, na ugho wubaa ghuchaanugha nyuma.