ISAYA 54:17 - Biblia Ilagho Jiboie Kwa Wandu Wose

¹⁷ Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

ISAYA 54:17 Խաչաձեւ Հղումներ

AYUBU 1:11

Ela idana inja ivi uko navo, kuwone seji uchaakuewia kukiwona woruwu.”

AYUBU 2:5

Ela kaba mumbi ghwake idana, kuwone seji ukuewiagha kukiwona woruwu.”

AYUBU 42:7

Nao iji BWANA wameria kughora na Ayubu, ukamzera Elifazi Mtemani, “Najokwa ni machu aighu yako na waghenyi wako wawi; kwa kukaia ndemdedie malagho gha loli aighu yapo sa mdumiki wapo Ayubu.

ZABURI 32:6

Kwa huwo kula mundu ukuobuagha, ndelombe kwako; iji wasi ghwamchea sa machi mengi, ndeghuchaamvikia.

ZABURI 61:5

Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

ZABURI 71:16

Nichacha na kughieresha mabonyo ghako gha ndighi ee Bwana MLUNGU, nani nichaieresha iyo hachi yako cheni.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ISAYA 17:12

Sikirenyi chwaka ra wandu wa mbari nyingi, rikiruruma sa kuruma kwa bahari; ni kururuma kwa iro mbari ra wandu sa kughona kwa machi mengi.

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 29:8

Wichakaia sa iji koni mundu uko njala ulodagha wei waawuyaja, ela ukawuka uchakua njala yake iko wokoni. Uchakaia karakara na mundu uko kau ulodagha wei waawuyanywa machi, ela ukawuka uchakua ooka kau wokoni. Huwo niko iro mbari rilwagha na Mghondi ghwa Sioni richaakaia.

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

ISAYA 40:2

Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 41:11

“Ola awa wikubonyeragha machu, wichafushwa waya; awo wifungagha ndighi kulwa na oho, wichawuya si kilambo chingi, nawo wichatota.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 50:8

angu uo unidederiagha oko kaavui. Nani unishitakiagha? Ndewuke kimusi didede. Nani m'maiza wapo aha? Ndesoghode dikwane.

ISAYA 50:9

Olenyi Bwana MLUNGU nuo unitesiagha nani uchaanitala kukaia mkosi? Olenyi wamaiza wapo wose wichasia sa nguwo ijilo ni soya.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 54:15

Mndungi ukakufunya kulwa na oho, ugho wuda ndeghufumie kwapo; uo ose uchaabonya wuda na oho uchaghwa moni.

ISAYA 54:16

“Ola ini namuumbie mchani vuma, ukoragha na kupuputa modo ghwa maka; nao waboisa maswagha ghefwana kazi yaro. Sena wokoni namuumbie mnoni, uo unonagha.

ISAYA 58:14

niko aho kuchaaboilwa andenyi kwapo ini BWANA, nani nichakubonya kukaie nicha ndoenyi; sena nichakughudisha na ifwa ja ndeyo Jakobo, kwa kukaia ini BWANA najighora ilagho iji.”

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

DANIELI 3:26

Niko Nebukadnezari ukasoghoda kaavui na iwiwi ja modo ukaghamba, “Shadraka, Meshaki, na Abednego, wadumiki wa Mlungu Uko Aighu Na Ndighi, fumenyi shwa-shwa, muche aha!” Nao Shadraka, na Meshaki, na Abednego wikafuma modonyi.

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

WAROMA 10:4

Angu Kristo nuo kutua kwa Sharia, eri uo ose urumiriagha utalo kukaia na hachi.

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

JOSHUA 24:10

ela ngalegha kumsikira Balaamu; kwa huwo ukamrasimia inyo, nani ngamkira kufuma kwa Balaki.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.

1 SAMUELI 23:17

Ukamzera, “Kusakeobua, aba ndechaadima kukubonya ilagho jingi; oho kuchakaia mzuri aighu ya Israeli, na ini nichakaia aisi yako; hata aba moni waichi huwo.”