ISAYA 54:13 - Biblia Ilagho Jiboie Kwa Wandu Wose

¹³ Nichawifundisha wana wako wose, nawo wichawona nicha na sere.

ISAYA 54:13 Խաչաձեւ Հղումներ

ZABURI 119:165

Awandu wiikundagha sharia yako, weko na sere mbaa; ndekuwadie kindo chingi chidimagha kuwikuwisha anduangi.

ZABURI 119:33

Kunifundishe nitambukilo ni sharia rako, ee BWANA, nani nichariwadia hata kutua.

ZABURI 147:14

Wailindia mipaka yako; na kukughudisha na ngano iboie kuchumba.

ZABURI 71:17

Kwanifundishire kufuma wanake ghwapo ee Mlungu, nani naduagha ngighora malagho gha mabonyo ghako gha mashiniko.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 28:9

Wanideda wikighamba, “Uhu ufundisha ani? Ughoria ani malagho ghake? Ni wana wisighishiro mariwa kafwani?

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 54:12

Nichaiagha minara yako kwa magho ghiboie gha rubi, na minyango yako ichakaia ya lulu; wurigha ghwako ghose nichaghuagha kwa magho gha zoghori mbaa.

ISAYA 55:12

“Mchasigha Babuloni kwa kuboilwa, nenyo mchalongozwa cha shighadi kwa sere; mighondi mibaa na mitini ichawoka kubora imbiri konyu, na midi yose iko mlambenyi ichakaba chui.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

EZEKIELI 34:28

Nderichaakaia madiwo sena gha iro mbari ra wandu, hata nyamandu ra isangenyi nderichaarija sena; richakaia banana na mndungi ndechaariturusa sena anduangi.

EZEKIELI 37:26

Nichabonya ilaghano ja sere nawo, najo jichakaia ilaghano ja kala na kala. Nichawimangisha na kuwibonya wichurikie; na Andu Kwapo kwa Wueli nichakuwika aghadi kwawo kwa kala na kala.

HOSEA 2:18

“Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

LUKA 24:45

Nao ukawifungua akili rawo wipate kutambukilwa ni Maandiko.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAROMA 15:13

Idana uo Mlungu wa isuwirio, ndemchure inyo kuboilwa kose na sere kwa kurumiria, eri mpate kuchulwa ni ijo isuwirio kwa ndighi ra Roho Mweli.

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

1 WAKORINTHO 2:10

Ela Mlungu oredifunukueghe isi kwa chia ya Roho; angu Roho wazighana maza rose ra Mlungu hata iro riko ndenyi na ndighi.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAEFESO 4:21

Nani nasuwiria kukaia mwasikire malagho ghake, na kufundishwa andenyi yake seji loli iko andenyi ya Jesu.

WAFILIPI 4:7

Na sere ya Mlungu ichumbagha kutambua kose, ichamlindia ngolo renyu na nia renyu andenyi ya Kristo Jesu.

1 WATHESALONIKE 4:9

Idana inyo ndemne haja eandikilwa malagho gha kuwikunda wanidu anduangi, angu inyo mmbeni mwamerie kufundishwa ni Mlungu kukundana mmbeni na mmbeni;

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

WAEBRANIA 8:11

Hata ndewichaafundishana kula mundu na mmbao, angu kula mundu na mruna, wikighamba ‘Mmanye Bwana’ angu wose wichanimanya, kufuma mtini, hata m'baa wawo.

1 JOHANE 2:20

Idana inyo mwamerie kuwikwa wakfu kwa kunekwa Roho Mweli ni Kristo, nenyo mwaichi maza rose.

1 JOHANE 2:27

Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.